He inkhawm Aizawl District Agriculture Officer, Pu Lalsanglura Sailo kaihhruaiah hian Pu Sangtea chuan, Mizorama thar ve theih reng thei leh thlai lei nana sum tam tak phai lama thla tin luangral \hin chu uihawm khawpa tam a nih avangin ei leh bara intodelh tura \anlak chu tihmakmawh a ni, a ti a. Ei leh bara intodelh tur hian sorkar chuan theihtawp a chhuah dawn tih sawiin, Mizoram mamawh zualpui chu Economics and Stattistics Department chhutchhuah turin engkawngah nge \anlak a ngaih zual tih an zirchiang a, chumi behchhan chuan kuthnathawktute hmalak tur an ni dawn tih a sawi. Pu Sangtea chuan, tuna Mizoram loneih dan tlanglawn ber Thingtlang lo neih chuan ramngaw a tihchereu bakah nungchang a umbo a, hei hi sik leh sa thlenga chhiatna thlentu a nih theih avangin lo nghet neih a, kuthnathawktute thlai tharchhuah tipung tur leh a hralhna thlenga hmasawn tura \anlak a nih tur thu a sawi.
Aizawl South III bialtu MLA, Horticuloture Development Board Vice Chairman nibawk, Prof. F. Lalnunmawia pawhin, hnam changkang zawkten hmasawnna chu rilru-ah a awm an tih \hin angin, MNF kaihhruai Mizoram sorkar-in SEDP hmanga hmasawnna a kalpui turah eng \anpuina pawh dawng mah se, tuna an thlen chin bak piah lama hlawk zawka an theihna tihpun chu hlawhtlinna kawng awlsam ber a ni tih an hriat a ngai a ni, a ti a. Hlawhtling tur chuan sum dawn lam ringawt ni lovin, hmasawn duhna rilru an neih a ngaih thu a sawi.
He inkhawmah hian kuthnathawktute chu hlawk zawka thlai enkawl leh sawngbawl tura thil pawimawh hrang hrang Agriculture mithiamten an zirtir a ni.
