He meeting-ah hian Social Welfare Department-a Child Development Project Officer leh Circle Officer te an tel a, vote an thlak theihna tura ruahmanna siam te chu mitdel tan EVM Balloting Unit-ah Vote thlakna tur candidate zawnah Braille a chhiar theiha siam te, wheelchair hmanga vote thlakna hmuna kal tur te tan wheelchair dah sak te, a \ulna hmun apiangah wheelchair-a an kal theihna tura ramp dah te, an in a\anga Polling Station thleng kalna tur motor mamawh te hman tur motor ruahman te a tel a, hemi bakah hian \awng thei lote zaizir leh a lem nena entira thil hrilhfiah dan inthlannaa duty tur te zirtir an ni bawk. Mitdel emaw, taksa chaklo, mahnia kal thei lo te pui turin anmahni \anpuitu Volunteers dah an nih thu te leh vote thlakna hmuna anmahni luhpui tur an chhungte ngei ruahman sak an nih dawn thu te, rei tak an nghah lohna tura duhsak bik an nih dawn thu te, zing dar 9 leh dar 11 inkarah Polling Station an thlen veleha vote thlak tir theih an nih dawn thu te tarlan a ni. Pianphunga rualbanlo vote thlak duh harsatna neiten BLO emaw, DC Office emaw an biak pawh theihna tur telephone man chawi lova biak theih number chu 1800-345-3690 a ni a, Phone Number: 0389-2313833-ah pawh biak pawh theih an ni bawk a ni. Aizawl district-ah hian pianphunga rualbanlo vote thlak tura beisei mi 1,257 an awm a ni.
