Khanpui Sawhthing chingtu pawl hruaitute hnen a\anga Zonet thudawn danin an khua hian kum 2015 a\ang khan Sawhthing hi an lo ching \an tawh a, a tam hriin tihbhuai chang a nei chungin kum tin an Sawhthing chin chu an ti pung chho hret hret a, Sawhthing an chin \an a\anga kum 5-na kumin hian Pathian malsawmna changin an khaw pumin Sawhthing an hralh zawng zawng chu Quintal 14,500 a ni a. Sawhthing an hralhna Rate hi a inang vek lova, Kg. 1 Rs. 25 a\anga Rs. 60 inkarah an hralh hlawm a, heta \anga an pawisa lei tlingkhawm chu Rs. vbch. 6 chuang a tling a ni.
Khanpui khua hi Aizawl hmar lam Kilometre 90 vela hla Chalfilh tlang panga awm a ni a, an khuaah hian chhungkua 355 vel an awm a. An eizawnna pui ber chu kut hnathawh a ni a, chungkaw 355 zinga chhungkaw 275-in Sawhthing hi an ching a ni. Khanpui Sawhthing chingtu pawl hruaitute chuan, an khuain Sawhthing an hralhna a\anga sum an leichhuah zat chu Rs. vbch. 9 ni ang Social media danga thu thehdarh chu thudik tawk lo a ni tih an sawi a. He thuthang thehdarh a nih lai khan Sawhthing an hralh zawh hlim a ni a, an pawl-in chhung tinte Sawhthing hralh dan kimchang a la chhut chhuah hma a nih avangin an khua-in Sawhthing an hralh zat dik tak chu Rs. vbch. 6 vel a ni tih an sawi.
