Hemi puala inkhawm tawi Medical Superintendent Hall-a buatsaih hmanpuitu Health Minister Dr R Lalthangliana chuan Civil Hospital chu State Hospital a nih tel avangin tihchangtlun zel a ngai a, damlo enna khawl pawimawh MRI khawl chu neih thuai tum a ni ang a ti. Health Minister chuan Mizoram Health Care Scheme hman mek chu mipui nawlpuiin \angkai zawka an chhawr theih dan tur ngaihtuah a ni dawn tih a sawi a, state pawna refer-te kalna senso Bill theih dan tur te, inenkawlna senso zat dik taka thehlut si, paih \hen sak an awm \hin nia sawi chu enfel a \ul thu te a sawilang a. Falkawna Medical College MIMER chu hlawhtling taka kalpui thei turin a zirchiangtu tur committee ruat a nih thu te a sawi.
MJA President Pu Zonunsanga Khiangte pawhin thusawiin Aizawl Civil Hospital in MJA te hriselna an endik sakah natna lian tham nei hmuh chhuah an awm lo chu lawmawm a tih thu a sawi a, Civil Hospital in damdawiin chanchin an tarlanna, Booklet a tlangzarh bawk.
Inkhawm hi Medical Superintendent Dr KL Remsanga’n a kaihruai a, RKS Governing Body chairman, Aizawl DC ni bawk Dr A Muthamma in hospital-in a dil anga RKS sum hmanga lei emergency ambulance chu Health minister kutah a hlan nghal a ni. Deputy medical Superintendent Dr John Zohmingthanga sawi danin, MJA health check-up ah hian MJA member 78 an inentir a ni.
