ZONET zawhna chhangin Aizawl Civil Hospital Medical Superintendent Dr. Lalhmuchhuaka chuan, damdawi In chu Non Covid hospital a nih avangin nitin dan pangaiin OPD ah damlo en an nih thu a sawi a, damlo inentir an tam a, medicine deptt pantu an tam thin avangin social distancing zawm a harsa deuh niin a lang a, mipui te leh thawktute hrileng laka himna turin hmun zau zawk, Dawrpui Multipurpose Center chu hman an dil tih a sawi a, man pawh chawi ngai lovin phal takin an hmunhma hi hman an phalsak tih a sawi.
Dr. Lalhmuchhuaka chuan, DMC ah hian medicine deptt ten vawiin atangin damlo an en tan tih a sawi a, social distansing tha taka zawm a nih theih nan inentir tur te pawh loh theih loha hruai ngai tih loh chu an mahnia kal tura ngen an nih thu a sawi a, thuthleng an dahah pawh mi pahnih bak thut an rem tih loh thu a sawi. Dr. Lalhmuchhuaka chuan, inentir tur OPD card laknaah pawh social distansing tha taka kalpui a nih theih nan security ten an vil reng tih a sawi a, loh theih lohah lo chuan mipui lamin hospital pan rih lo thei se an duh tih a sawi a, hetihlai hian inentir tura kal zingah tul lova naupang hruai an tam thin chu a him lo tih hre turin mipuite a chah a ni.
