Dr. C. Lalchhandama chuan he natna hi chakai chhum hmin \hat tawk loh emaw, sawngbawl \hat tawk loh emaw vanga kai theih a ni tih sawiin, chakai chu ei loh tawp tur tihna a ni lova, amaherawhchu, an ei dawn a nih chuan minute 5 a\anga minute 10 chhung tal chhuanso ngei ngei tur a ni tih sawiin chakai ei a\anga natna hi Mizoram chhung hmun 5-ah hriat a nih tawh thu leh he natna lanchhuah dan chu TB nen a in an deuh thu a sawi a, hetiang natna veite chu an khak a thi a, a \hen chu zeng natna ang leh thluak thlenga lut natna thlen thei a nih avangin fimkhur a \ul hle a ni a ti.
He zirhona hi MJA President, Pu Zonunsanga Khiangte-in a kaihruai a, Medical Superintendent, Dr. KL Remsanga, Paediatrics HOD, Dr. Lalchhuankimi leh Dr. Lily Chhakchhuak pawhin thu an sawi bawk.
Mithiamte sawi danin chakai a\anga natna inkaichhawn theih hi tun hnaia social media-a chakai hlitpai thehdarh nen a inang lova, he natna hi chakai chauh ni lo, kaikuang leh chengkawl a\ang pawhin a kai theih a, hetiang natna chungchanga inrinhlehna neite chuan Medicine Doctor emaw, Chest Medicine Doctor emaw rawn vat tur a ni a, natna chungchanga an inrinhleh dan pawh Doctor-te chu hrilh \hin turin an ngen a ni.
