He \hutkhawmna kaihruaitu Aizawl Bawrhsap, Pu Vanlangaihsaka chuan, mipuiten Krismas leh Kum thar hlim leh thlamuang taka an hman theih nan Police leh Magistrate-ten chhungkua, khawtlang leh kohhrana an chanvo leh mawhphurhna kalsanin ngawrh takin an duty tih a sawi a. Sorkarin halpuah hal a khapna thupek chu mipui lamin an zawm ngei theih nan theihtawp an chhuah nia sawiin; Aizawl hmun \henkhatah halpuah hal chu awm bawk mah se, kum dang aiin boruak a ziaawm chho hret hret zel a, khap loh ai chuan khap a nihin mipuite lam pawh an fimkhur phah nia hriat a ni a ti a. Police lam report a\anga a lan danin rukruk, zurui leh buaina siam an awm mang lo chu a lawmawm hle a ni a ti bawk.
Pu Vanlangaihsaka chuan, Krismas leh Kum thar chhunga mipuite him taka an awm theih nana theihtawp chhuahtu Police, Magistrate leh a \ul anga mipuite hnenah hriattirna pawimawh puangzar thin I&PR leh Media zawng zawng hnenah lawmthu a sawi a. Mipuite leh tlawmngai pawl leh kohhrante pawhin sorkar hmalakna tha taka an thlawp chu lawmawm a tih thu a sawi.
