Aizawl Bawrhsap hmasa ber Captain HR Browne chuan kum 1890 April ni 22-ah a hna a thawk \an a, Bawrhsap Pisapui hi North Lushai Hills area-a Pisa hmasa ber a nih avangin Mizo chanchin nen thuk takin a inkungkaih a ni.
Office building hi State Heritage Building-ah puan a ni tawh a. Sap ho sulhnu mai bakah hmanlai Mizo lalte chanchin, chhiarpui, electoral roll leh record hlu dang tam tak dah \hat a ni. COVID-19 hri leng karah harsatna a awm chungin Aizawl Bawrhsap Pisapui kum 130 tlinna hi sawm bik tlemte nen lawm a ni a, Aizawl SP Pu C. Lalruaia’n a hmanpui a ni.
Bawrhsap Pisapui kum 130 tlin pual hian mipuite hmuh theih turin hmanlai hmanrua, ruhro, lehkha pawimawh hrang hrang leh record hlui tak tak pisapuia la vawn thatte phochhuah a ni.
