Hemi puala inkhawm YMA Hall-a buatsaih hmanpuitu Central YMA Vice President, Kumpuan Chairman Pu Lalhmachhuana chuan, Mizo \halaiten eizawn leh thil dangah hlawhtlinna an neih theihna turin thiamna, finna leh remhriatna an neih a ngai a, hemi atan pawimawh tak zirna kawnga hma sawn thei turin YMA in kum puanah ZIRNA UAR tih a thlang a ni a ti. Pu Chhuantea chuan, YMA in kumpuan atana Zirna Uar a puan chu tunah a hlawhtlinana hmu nghal lo mahse a bul \anna a dik a, thiam tak leh felfai taka ruahmanna kalpui a nih chuan a hlawhtlinna hmuh ala ni dawn a ni a ti a, kum puan hian Central Service lamah \halaite tam zawk an luh theih nan hmasawnna a thlen a beisei thu a sawi. Pu Chhuantea hian, lan changkan tum aiin a taka changkang nih tum turin zirlaite a fuih a, Zirna chu eizawnna kawng tin renga chhawr \angkai thei tura inbuatsaih a \ul tih a sawi. Inkhawm hi Vice President Pu John Zoliantluanga’n a kaihruai a ni.
