Community Base Road Maintenance Contract Works hnuaia Ailawng Branch YMA-in an khaw panna kawng an enkawl tur thui zawng hi km 12-a thui a ni a, he inremna thuthlung ang hian kum khat chhunga kawng km 1 enkawl nan hian Rs. 40,000/- zel an dawng dawn a ni. An hnathawh tur hi kawng chhe lai thawm \hat leh a khuar hnawh, tuihawk luankawr thenfai, kawng sir tawn tawna hnim samfai leh kawng humhalhte a ni. He inremna thuthlung siamnaah hian bialtu MLA Pu Lalrobiaka leh Aizawl Road South Division Executive Engineer, Pu David Sapzova te pawh an tel a, thusawiin Pu Lalrobiaka chuan kawngpui leh vantlang thildangte chu anmahni ta a ni tih hriaa, \ha taka enkawl chu a hmangtu mipuite mawhphurhna a ni tih hre reng turin mipuite a chah a ni. Hemi hnu hian Pu Lalrobiaka chuan Ailawng khuaa YMA In MLA Local Area Development Fund Rs.2,00,000/- senga sak a hawng nghal a ni.
