PRRS natna hi Mampui vawk farm-a awmte hian nikum March thla a\ang khan an vei a, he farm-a vawk awm, la hrisel \ha te chu a nu an nih chuan a chhul lak vek ni se, a pa an nih chuan a til lak vek ni se chumi hnuah chuan talh tura vulh thauva, talh vek ni se, hemi bakah hian vawk in zawng zawng pawh PRRS vawk laka a fihlim nan natna hrik thahna disinfectant hmanga kah vek ni se, chumi a\anga thla hnih hnuah vawk note \ha leh hrisel dah leh ni se tiin thutlukna an siam a ni. Amah zuitu Lawngtlaia Zonet Reporter, Lalchharliana zawhna chhangin AH&Vety Minister chuan District tina Bawrhsapte chu Mizoram pawn a\anga vawk lakluh khapna thupek chhuah vek turin hriattir an ni tawh a, PRRS hi Mizoramah a la awm reng avangin a tibo turin Mizoram pawn a\anga vawk lakluh khap a ngai a, sorkar thupek mipuiten \ha taka an zawm a ngai tih a sawi a ni.
Mampui Farm-ah hian Minister hi Chief Veterinary Officer, Dr. Vanlalhruaia leh hnathawktu dangten an lo dawngsawng a, vawk \ha chi inthlahpun tir a, a note tam tawk thar chhuahna tura Piglet Multiplication Centre siam an enpui a ni. AH&Vety Minister hian ar vulhna, artui keu tirna ni nghal a tlawh bawk a, hetah hian \um khatah artui 5,000 a keu tir thei dawn a, amaherawhchu, he farm hian kawlphetha supply mumal taka a hmuh loh \hin avangin VIP line thlunzawm dan tur ngaihtuah tur niin Minister chuan a sawi a ni.
Minister hi Aizawl-a MNF party hruaitu leh Lawngtlaia MNF party hruaitute bakah Lai Autonomous District Council hotuten an \awiawm a ni.
Mampui Vety Farm a tlawh hma hian Dr. K. Beichhua hian Lawngtlaia AH&Vety Hospital cheng nuai 85 senga sak tur a en a, a satu tur Contractor pawh thlanfel tawh a ni tih sawiin, reiloteah a sak hna \an a ni dawn niin a sawi a ni.
