AH & Vety Department chhinchhiah danin, vawk natna PRRS leng vangin vawk 8,505 a thi tawh tih Vety Minister, Pu C. Ngunlianchunga’n a sawi. Congress member, Pu T Sangkunga zawhna kal zela MNF member, Dr. K. Beichhua zawhna chhanga he thu hi sawiin, PRRS hi kum 2013 leh 2016-ah a leng a, a len hmasak zawk kum 2013-ah vawk 3,806 a thi a, kum 2016-ah vawk 4,699 a thi leh tih a sawi. Pu C. Ngunlianchunga chuan, PRRS chu NLUP vawk note sem tur ram dang a\anga lakluh a\anga darh a ni lo niin a sawi a, India ram hmun dangah vawk hi a thi ve tho a ni a ti. PRRS vang hian District dang zawngah vawk a thih laiin, vanneihthlak takin Kolasib District-ah chuan a leng ve lo tih a sawi. AH & Vety Minister chuan, Vawk note thi chu Sorkar pawhin pawi a ti hle tih sawiin, Sorkar Flagship Programme NLUP hnuaiah vawk vulh thlangtu chhungkaw engemawzat an awm a. Heng mite hian eizawnna ngelnghet an neih theih nan \an nasa taka lak niin, a theih chin chinah tualchhung vawk note sem a ni a. Hei hian a daih sen loh avangin Supplier ruaia hmun dang a\anga lakluh a ngaih phah nia sawiin, Mizo mipuite chu vawksa ei nasa an nih avangin vawksa-a intodelh turin RKVY hnuaiah nasa taka \anlak a ni a, tunah hian Lawngtlai District-a Mampui Farm-ah note nei tur vawkpui 70 vulh niin, vawk note 400/500 vel thar a ni tawh a. Hetiang bawk hian Lunglei District-a Lungpuizawl-ah vawkpui 100 vulh mek a ni a, Aizawl District-a Thungsualthliah-ah pawh vawkpui 200 vulh niin, Kolasib District-a Thungdawl khuaah pawh vawkpui 50 vulh a nih thu a sawi.
