Hemi chungchang hi nimina Union Agriculture & Farmers’ Welfare Minister, Pu Narendra Singh Tomar-a’n State hrang hrang Agriculture leh Supply Minister-te video conferencing hmanga ram puma inkharkhip a nih avanga loneitute harsatna a sawipuinaah Pu Sangtea hian a sawi chhuak a, ram pum huapa inkharkhip a nih avangin Mizorama oil palm chingtuten an hralh thei lo tih sawiin, oil palm chingtute hian cheng nuai 25 a\anga nuai 30 vel an hloh tawh nia chhut a nih thu a sawi.
Pu Sangtea hian inkharkhip chhunga loneitute tana Mizoram sorkar hmalakna te a sawi a, Farmers’ Helpline siam chu \angkai taka hman a ni tih a sawi a, externally aided project pahnih FOCUS leh GEF hnuaiah hna thawh theih a nih loh thu sawiin, inkharkhip a nih avangin sum chang thlai a bikin Sawthing, Aieng leh Fu chu hlawhfa rawih tur an awm loh avang leh State pawna thawnchhuah kawngah harsatna a awm avangin seng theih a nih rih loh thu a sawi.
Pu Sangtea hian, inkharkhipna avanga loneitute tharchhuah hralhna atan Sorkar in Vegetable Supply Chain a kalpui dan a sawifiah a, Local Level Task Force te nen \ang hovin chawhmeh leh thlaite mipui hnenah an in lama pek \hin a nih thu a sawi bawk.
