Vawiina Video Conferencing hmanga District tin DC leh DAO te a kawmnaah loneitute harsatna chungchang a sawipui a, loneitute chu kal khawm dul dul zawng ni lova, mangkhawh, thlai chi thlak leh thlam sak leh \ul dangte thawk thei tura ruahmanna siam a \ul tih a sawi a, District thuneitute chu loneituten tluang taka an hna an thawh theih dan tur, fimkhur tak chunga ruahmanna siam sak turin a chah a ni.
Pu Sangtea hian, District hrang hranga SEDP hmanga vaimim chin tur, a chi an chah thlen ten loneitute hnen a thlen theih dan tur ngaihtuah turin a chah bawk a, District thuneitute hian loneituten an thlawhhma leh lo te an enkawl theihna tura ruahmanna an siam dante an sawi a, ramri depa awm Mamit leh Champhai District a khaw tlem teah erawh fimkhur thu hlaa feh khap a nih chhan te an sawifiah a, Kurtai hertute, sawhthing chingtute leh oil palm chingtute harsatna tawh mek DC ten an tarlang a. Kurtai chu MIZOFED in a lei dan lo ngaihtuah se, Sawhthing chu MAMSOL in a lakkhawm dan ngaihtuah se an ti a, Sawthing hralh tawh, a phurhchhuahna lamah harsatna tawk mekte tan phurh phalna pek dan zawn sak an rel bawk.
