Pu C. Lalrinsanga hian Darlak, Tuidam, Kawrtethawveng leh Zawlnuama a Department enkawl hmalakna enpuiin, loneituten an harsatna tawhte leh intodelhna kawng an zawhna kal meka an mamawhte a ngaihthlak sak a.
Darlak-a Agriculture Rest House-a an inkawmnaah Pu Sangtea chuan, MNF kaihhruai Sorkar Flagship Programme, SEDP kalpui dan tur chu rikrum thil ang maia mahni party duhsak zawngte hnena sum sem mai mai ang a ni ve dawn lo tih sawiin, SEDP chu scheme phuahchawp satliat mai ni lovin dinchhuah tumna Policy puitling leh rintlak tak ni tura ruahman a ni, a ti a. Mizorama thar ve theih reng ni tin mamawh chi hrang hrang State dang a\anga lakluh reng chu a \hat loh avangin chumi tih tlem chu a hun tawh a, SEDP hian chu kawng chu min zawh pui a tum tih a sawi.
Pu Sangtea chuan, Sorkarin Grape chingtute hmakhua ngaiin Zu khapna dan a her rem a, loneitute tan chuan hei hi thu lawmawm tak a nih laiin, mi\henkhat thu haw lam leh kal lam hre mang loten grape chungtute tana he dan sorkarin a siamrem chu kaihlekin sorkarin zu a zuar dawn ni awm taka lo sawi chhawng tawk leh kut ni vangthlaa zu ruih suau suau phalna dan emaw tih mai tura lo sawi an awm chu an hriat loh vang a ni tih a sawi.
Agriculture Minister \awiawmtu Hachhek Bialtu MLA, Pu Lalrindika Ralte pawhin Pu Sangtea hmalakna vanga Kawrtethawveng-in AEO an nei ta chu an lawm hle thu leh Minister \hahnemngaihnaah lawmthu a sawi. Minister hian naktukah Hriphaw khuaah ‘Kut Hnathawktute Ni’ a hmanpui ang.
