Lunglei West leh Torang bial khaw \henkhat tlawhtu Pu Sangtea hian vawiin khan |huampui leh Sertlangpui inkar kawng siam muang lutuk nia sawi hi a tlawh a, Contractor chu Sorkar laipui leh Mizoram Sorkar-in COVID 19 vanga inkharkhipna tur inkaihhruaina a siam hnuaiah chak zawka hna thawk turin a hrilh a, Lunglei leh Buarpui inkar kawng siam \hat mek pawh a en nghal a ni. Pu Sangtea hian, nimin khan Buarpui leh Thenzawl inkara Tlawng Lei dawh mek pawh enin hnathawktu Tantia Construction hotute chu furpui thlen hmaa hna zawh hman tum turin a hrilh bawk.
Lunglei West bialtu Agriculture minister hian, a bial chhunga khaw hrang hrang Kawlhawk, Sertlangpui, Serte, South Lungdai, |huampui leh Vanhne-a Village Level Task Force te kawmin hri leng mek laka an him theihna tura hma an lak dan a enpui a. Hri leng mek dona kawngah Mizoramin entawn tlak khawpa \anrualna an lantir chu chhawmnung zel tur leh he hun khirh tak hi malsawmna atan chantir ngei tum turin a chah a ni. Pu Sangtea hian Village Level Task Force te hnenah \anpuina bungrua leh tangkafai a pe a ni.
