Sorkar thuchhuah tarlan danin Mizoram Sorkar leh JICA hi ‘The project on Capacity Enhancement for Sustainable Agriculture and Irrigation Development in Mizoram” tih hnuaiah an thawkho a, Department pali- Irrigation & Water Resources, Agriculture, Horticulture leh Land Resources Soil and Water Conservation Department ten JICA project hi kalpui a ni a, JICA Project hnuaiah hian Pilot Village pali ah Minor Irrigation Project pali, cheng nuai 192.90 senga thawh mek a ni a. Contract Work zaa 35 leh Community Contract zaa 80 thawh zawh tawh a ni.
Kum 2020-21 a \an tur Pilot Project thawh hnihna atan inbuatsaih mek a ni a, khaw pathum Bilkhawthlir N, Lamchhip leh Tlangsam te chu Pilot village atan thlan an ni.
JICA project hnuaiah hian loneituten awmze nei zawk leh changtlung zawka hna an thawh theih nan Japan thiamna hmangin kawng hrang hrangin \anpui an ni a, mithiamten loneitute hi vilin, an mamawh ang puihna an pe \hin a ni.
Agriculture Minister Pu C. Lalrinsanga chuan chaw-a Mizoram intodelh turin technology lama thiamna neih chu Mizoram mamawh a nih thu a sawi a, JICA nena thawh hona chuan mahni thar chhuah hmanga intodelh thei turin rah \ha a chhuah a beisei thu a sawi.
