He \hutkhawmna kaihruaitu Agriculture Minister, Pu Sangtea chuan, he Project bultum United Nation hnuaia International Fund for Agriculture Development duh dana hlawhtling ngei tura \anlak chu tih makmawh a nih thu a sawi a. He hmalakna hnuaiah hian a kaihhnawih Department hrang hrangte chu hlawhtling tura thawk ho tur an nih avangin Department hrang hrang chu mahni hmazawna tla darh mai lova thawh hona \ha neih a \ul thu a sawi. Pu Sangtea chuan, FOCUS Project-in a tum ber chu kum tin hmun dang danga tlangram lo neih \hin tihtawpa eizawnna tlak huan nghet nei tura hmalak a ni tih sawiin, hemi lamah hian nasa lehzuala \anlak a \ul thu a sawi bawk.
Fostering Climate Resilient Upland Farming Systems in the North East (FOCUS) hi United Nations peng pakhat International Fund for Agriculture Development (IFAD) hmalakna a ni a, Mizoram leh Nagaland-ah kalpui mek niin, Mizoram bikah chuan kum 2018 January ni 25-ah bul\an a ni a. He Project hi kum 6 chhung kalpui tura ruahman niin, District 4- Champhai, Kolasib, Serchhip leh Mamit a, khaw 272 a chhungkaw 64,500 huam tura tih a ni a. He hmalakna hnuaiah hian thingtlang lo neia eizawngte chu hlawk zawk leh sik leh sa tichhe lo zawnga eizawnna an kalpui theih nan \anpui tur niin, an tharchhuah buaipui zui a, man man zawka an hralh theih nan puih a ni dawn a ni.
He Project hnuaiah hian Farmers Interest Group 926 din a ni tawh a, khaw tinah Lead Farmer leh Community Animal Health Worker ruat an ni tawh a. He Project hi Department 4- Agriculture, Horticulture, AH&Vety leh Land Resources, Soil & Water Conservation Department \awngkawp hmalaknaa kalpui a ni.
