Parwan province khawpui Charikar-a bomb puak hi tu tih nge tih hriat a la nih loh bakah a titu nia inchhal tuman an la awm lo a, Ashraf Ghani hi a him a ni.
Parwan hospital hotu Abdul Qasim Sangin chuan hliam zingah naupang an tel tih sawiin, thi leh hliam an pun belh a rin thu a sawi bawk.
Campaign thupuangtu, Hamed Aziz-a’n President, Ghani pawh bomb puahna hmunah hian a awm a, vanneithlak takin hliam a nei lo tih a sawi. Hetihlai hian Kabul khawpuia Defence Minister, US ram aiawh palai leh NATO Hqrs. awmna hmunah te pawh bomb tihpuah a ni bawk a, hei pawh hi mawhphurtua inchhal tumah an la awm lo a ni.
