He lai hmun hi Bani Municipality-a thingtlang khaw pakhat a ni a, silai pawngkahtu hian hriamhrei leh silai \hahnem tak a pai a ni.
Kar kalta khan hel pawlten Silgadi khaw bazar an lo bei chiam tawh a, khami \um khan mi 39 an thi a. Heng lai hmunah te hian jihadist helpawlte an che na \hin hle a, tharum thawha buaina chawk chhuakin nanau pawisawi loten an tuar nasa \hin hle a ni.
France-in helpawlte chet tlatna hmun Sahel bialah sipai 600 vel tirh a tum tih a puan hnuah Bani-a inkahna hi a thleng a ni. Sahel bialah hian tun dinhmunah France sipai 5,000 vel an awm mek a, kum 2012 a\anga hel pawl leh sipaite inbeihna vangin civil mi 4,000 chuang an thi tawh a ni.
Islam helpawlten kum 2012-a Mali an lak hnu khan France sipaite an inrawlh \an a ni.
