Hel pawlte hian Shorbazar-a temple chu thihchilh bomb hmanga an bei a, temple-ah hian mi 150 vel an awm lai a ni.
He inbeihnaah hian mi eng zat nge thi tih hriat theih a la ni lo va, temple chhunga awm mi tlemte chu an chhanchhuak hman a ni.
Kum hnih liam ta khan Islamic State ten Afghanistan-a Sikh mite punkhawmna hmun an lo bei tawh a, khami \um khan mi 19 an thi a ni.
Tun \uma inbeihnaah hian an tualchhunga hel pawl, Taliban te chuan an inhnamhnawih lo tih an sawi a ni.
Afghan Parliament-a Sikh MP, Anarkali Kaur Honaryar chuan temple-ah hian mi biru an awm tih sawiin an phone an off tlat niin a sawi a, chung mite chuan temple chhunga awm mi 150 te chu a ngaihtuah hle thu a sawi bawk.
Afghanistan hi tun dinhmunah hruaitu mumal awm lovin a awm a, politician pahnih, Ashraf Ghani leh Abdullah Abdullah te chuan thuneihna an inchuh a, president inthlannaah khan chak ve veah an inchhal avangin ram hruaitu mumal awm lovin tun thlengin Afghanistan hi a la awm a, hetihlai hian hel pawl, Taliban te chu US-in Afghanistan-a remna leh muanna a awm theih nan a dawr a ni.
