Afghanistan Ghazni bial-a sorkar hmun pakhat beihna-ah mi 15 an thi a, midang eng emaw zat an hliam. Taliban mi firfiak pawlte chuan he inbeihna hi an tihah an chh^l nghal a, an thupuangtu, Zabihullah Mujahid-a’n Associated Press a hrilh danin, Ghazani bula Khuja Omari-a sorkar hmun tam zawk an thuhnuai-ah an dah tawh a ni. Mujahid hian sorkar hmun an beihna-ah hian District Governor bakah Intelligence Chief leh Police hotu pakhat pawh an thi niin a sawi a, boruak a la daih loh avangin a thil sawite hi finfiah theih a la ni lo a, Police-te chuan an inbeihna-ah hian sipai thi chu an awm ngei thu leh, mi firfiak 25 vel an kahhlum thu te leh mi firfiak te bei l>t tur sorkar sipai an chah luh belh tawh thu an sawi ve thung a ni.
Chanchin Thar Afghanistan-ah Taliban mi firfiak pawl leh sipai inbei
