He bomb hi mipui awm tamna hmunah tihpuah a ni a, mi 65 an hliam a, an zingah hian naupang 9 an tel. Police officer, Mohammad Karim chuan Defence Ministry building bula car pakhat-ah bomb hi tihpuah a ni tih a sawi.
Interior Ministry thupuangtu, Nasrat Rahimi chuan bomb puah hnu hian silai keng ten defence ministry building hi luh chilhin Afghan sipaite nen an inkap tih a sawi a, Police leh sipaite chuan helai hmun hi hualin a khat tawkin silai leh bomb puak ri hriat tur a awm reng a ni.
United Nations leh Afghan sorkar chuan mipui pawisawi lote chungah hetiang thil a thleng hi pawi an ti a, Taliban mite thil tihah ngaiin an dem thu an sawi.
