Association for Democratic Reforms, ADR chuan state hrang hrang CM-te an zirchian hnuah, za zela 81 chu millionaire an ni a ti. ADR report-ah hian Mizoram CM Pu Lalthanhawla chu CM hausa zual 10 zingah a tel phak a, cheng vbc 9 vel a nei niin an chhut a, thil hlu khawih chet theih Rs. 1,75,45,980 a neih laiin, khawih chet theih loh Rs. 7,40,00,000 hu a nei niin a tarlang. ADR chuan CM zingah Andhra Pradesh CM, Chandrababu Naidu chu hausa ber-ah a puang a, a thil neih hlut zawng chu cheng vbc 177 anga chhut a ni a, a pahnihna Arunachal Pradesh CM, Pema Khandu thil neih hlut zawng chu cheng vbc 129 vel a ni a, pathumna Punjab CM, Captain Amarinder Singh hausakna chu cheng vbc. 48 a chhut a ni. ADR chuan Tripura CM Manik Sarkar chu rethei ber-ah a puang leh a, a thil neih hlut zawng chu cheng nuai 26 niin a chhut a ni.
Chanchin Thar ADR-in state hrang hrang CM zirchiang, za zela 81 millionaire
