AG pisa gate bulah thu sawiin MZP President Pu L Ramdinliana Renthlei chuan Accountant Genaral Pu Pravindra Yadav hian an \halaipuite mi 30 contract-a thawkte chu a ban tir nia sawiin an chungchang hi a chingfel lo anih chuan Mizorama a let leh an remti tawh lo tih a sawi a, Contract a thawkte chu an hna chhunzawm tir leh thuai turin an phut tih a sawi. Accountant General in MZP te a hmu duh lo chu an lungawi lo hle tih a sawi bawk a, Mizo leh Tribal te hmusitah puhin thawktute pawhina hnuaia thawh hrehawm an ti hle niin a sawi a, Mizo hnam hmusittuah puhin Mizorama awm reng tlakah an ngai lo tih a sawi.
North East Student Organisation Council Finance Secretary Pu Ricky Lalbiakmawia pawhin thusawiin Accountant Genaral Pu Pravindra Yadav chu hmarchhak mi leh tribal te hmusitah puhin, a chungah NESO chu a ngawi mai dawn lo a ni a ti a, hmarchhak State dangah pawh hnathawka a awman remti dawn lo niin a sawi.
Hemi hnua ZONET zawhna chhangin AG a Contract a thawk te chuan, an Contract chu tun thla tawp ruala tawp ve tur a nih thu an sawi a, \um dang ang bawkin pawhsei sak leh mai an nih an inbeisei laiin an AG in an chawlh tur thu a hrilh niin an sawi a, an mahni ruai nawn leh tura an ngenna chu buluk taka chhangin, a thu thu a nih thu te, thla 1 an chawlh phawt hnuah an dinhmun tur a hrilh chauh tur thu te a hrilh niin an sawi a, vawiin chawhnu khan Principal Secretary Pu Lalnunmawia Chuaungo an hmuh thu sawiin thu lawmawm erawh an dawn rih loh thu an sawi.
