AAP MLA, Bhagwant Mann leh Apna Dal hruaitu, Anupriya Patel te chuan leileta buhpawl leh thli chinna hnu hal chungchangah loneitute dem ringawt loh tur tih Lok Sabha-ah an sawi.

Leileta thlai chinna hnu leh buhpawl hal hi Delhi khawpui boruak bawlhhlawh chhan nia sawi a ni a, loneitute chu hetianga hal ngai lo chi thlai ching tura tih an ni.

Bhagwant leh Anupriya te chuan sorkar chu loneitute fuih phur zawnga hma la tur leh an thlai chinna hnu te biogas leh cardboard siam chhuahnaa hman tura lei sak turin an duh tih an sawi bawk.

Boruak bawlhhlawh leh sik leh sa inthlak danglam dan sawi honaah telin Bhagwat chuan buhtun leh nihawi par te chu seng hnuah buaipui a ngaih tawh loh avangin loneitute chu buhtun leh nihawi par ching uar tura fuih ni se \ha a tih thu sawi.