Delhi-a Gambhir-a khingpui AAP candidate Atishi chuan press conference kovin sakhaw thil leh hmeichhia a nihna hmusit zawng amah beihna pamphlet thehdarh a ni tih a sawi a, a khingpui chet dan a\angin MP ni ta se hmeichhiate tan rinngam chi a ni lo a ni a ti. Gambhir-a chuan AAP hian dik lo takin an puh niin a sawi ve thung a, pamphlet chu a lo hmuh tawh \hin thu leh amah emaw a pawl te emaw siam a nih loh thu a sawi a, a hming tihchhiat nan he pamphlet hi siam a, sem darh-ah AAP chu a puh let ve thung a ni. Chief Minister Arvind Kejriwal, Manish Sisodia leh Atishi te chu ngaihdam dil turin a phut a, an lakah intih hmingchhiat thubuai thehluh a tum thu a sawi bawk a ni.
Gambhir-a chuan an chhungkua-ah hmeichhe 5 a chenpui sawiin hmeichhiate a zah hle tih a sawi a, amah puhna te hi an finfiah thei a nih chuan politics a bansan tur thu sawiin, thlan tlin a lo nih pawhin amah puhna te chu finfiah anih phawt chuan ban a inhuam thu a sawi.
