Virus hi Wuhan sa zawrhna a\anga darh \an nia hriat a ni. Coronavirus hi natna hrik hi hlawm lian tak zinga pakhat a ni a, Kum 2002-a China a\anga Severe acute respitaroty syndrome (Sars) \aidarh pawh kha coronavirus tho niin, mi 8,098-in an kai a, mi 774 an thi a ni. Dr. Josie Godling chuan coronavirus a leng tih hriat a nih veleh Sars natna leng kha mipuiten hre chhuakin, mi tam takin an hlau a, chuvang chuan he natna do let tur hian theihtawpin an inbuatsaih nasa hle tih a sawi a ni.
He natna veite zingah a lan chhuah dan tlanglawn ber chu a tirah an khua a sik a, a hnuah hul takin an khuh a, a hnuah thawk harsa an ti \hin a ni.
World Health Organization chuan damlo 17,000 zinga zaa 82-ah chuan na lutuk lovin a thawk a, zaa 15-ah a thawk na hle a, zaa 3 te chu an ngaihtuahawm hle niin a sawi. WHO chuan he natna hi Covid-19 a vuah a, he natna laka invenhim dan tur WHO thuchhuah tarlan dan chuan sahbawna kut fai taka sil tur a ni a, khuh leh hahchhiau laia ka leh hnar te hup a, chumi hnua kut fai taka sil leh tur a ni a, coronavirus kaiin a khawih hnu an khawih chuan mit, hnar leh ka te khawih loh tur a nih bakah khuh, hahchhiau leh khawsik neite bul hnaiah awm loh tur a ni.
He natna hrik hi thil lo awm thar a ni lova, ramsaah an kai lawr \hin a, tun hnaiah mihringah an kai thar
avangin mihringte tan chuan natna thar anga ngaih a ni. Tun hmalama coronavirus \aidarh tawh te chu South China-a lui lam sa zawrhna Wuhan Wholesale Market a\anga chhuak vek nia ngaih a ni a, Sars pawh kha bak a\anga zawhte-ina kai hnua mihringa a kaichhawn leh nia hriat a ni. Middle East-a kum 2012-a Mers leng pawh kha Sanghawngsei a\anga mihringin an kaichhawn nia hriat a ni bawk.
Tuna coronavirus leng mek pawh hi China rama Bak chi khat horseshoe an tih a\anga natna an hmuhchhuah nen a inkungkaih nia sawi a ni. Hetihlai hian South China Agriculture University chuan natna hrikte chu Bak a\angin saphu ten an kai a, saphu a\angin mihringin an kai leh thei niin an sawi.
