CBI chhungkaw buaina avangin Alok Verma hi Central sorkar chuan thla thum liamta khan chawlh a lak luihtir a ni. Alok Verma hian a hna pangngai a zawm leh nghal ang a, thutlukna lian tham erawh a siam thei dawn chuang lo a, thuneitu sang, high powered selection committee, prime minister, opposition leader leh chief justice of India te telna chu \hukhawm thuai tur leh Alok Verma-a dinhmun tur ti chiang thuai turin Supreme Court chuan a hriattir a ni.
Alok Verma hian January ni 31 thleng chauh hun a nei tawh a, tuna Supreme Court thupek hi BJP kaihhruai sorkar tan hnungtawlhna lian taka ngaih a ni a, eptu party te chuan BJP kaihhruai sorkar chu CBI te dik lo taka chhawrah leh an hnathawhna kawnga inrawlhah sorkar an puh a ni.
