Indrani Mukerjea leh a pasal Peter Mukerjea te hi an fanu thata puh an ni a, INX Media Group-a promoters ni \hin an ni a, Indrani hian a inpuannaah P Chidambaram leh a fapa Karti ten sum tih chingpen kawngah an pui niin a sawi a, eiruk thubuai nena inzawmna nei, pawisa kal kual dan finfiah nan CBI-in court chu Indrani hi thu zawhfiah a tan dil a, Court chuan CBI ngenna chu a phalsak a ni.
Special CBI Judge, JC Jagdale chuan Indrani Mukerjea thu zawtfiah tur hian central agency a ruat a, zing 9:30 a\anga chhun 12:30 thleng thu zawhfiah turin Court-in hun a pe a ni.
P Chidambaram hi August ni 21 khan INX Media kaltlanga sum tih chiengpen thubuaiah man a ni a, Delhi-a Tihar lung inah dah a ni.
Indrani Mukerjea hian a pasal nen P Chidambaram chu a office-ah Finance Minister a nih laiin an hmu a, Chidambaram chuan a fapa Karti-a sumdawnna pui tur leh Foreign Investment Promotion Board-in INX Media hnena phalna a pek vanga lawmthu sawi nan pawisa thawn turin a ngen niin a inpuanna record-ah a sawi a ni.
