Passenger phur, Boeing hi Tehran |umhmun a\anga a thlawh chhuah hnu lawkah a tla a, a chhui chiangtute sawi danin \umhmun a pelh hnu hretah thlawhna khawlah buaina a awm a, thlawh let leh a tum laiin a tla ta a ni. Iran in Iraq-a inkhuar US sipaite missile hmanga a beih hnu lawkah he thlawhna hi a tla a, heng thil thleng pahnihte hian inzawmna a nei em tih erawh finfiahna a awm lo thung.
US in Iran sipai general Qasem Soleimani January ni 3-a a thahsak avanga boruak sosang tak karah Iran chuan thlawhna black box chu Boing company ah emaw US hnenah emaw hlan a tum loh thu a sawi a ni.
Khawvel huapa thlawhna lama inkaihhruaina dan dinglaiah chuan Iran hian thlawhna tlak chhan chhuinaah hma a hruai thei a, hetihrual hian thawhna tlak chhan chhuinaah hian a siamtu company te erawh an tel ve tlangpui \hin a ni.
Iran Civil Aviation Organisation hotu Ali Abedzedah chuan thlawhna hian khawthlang lam hawiin \umhmun a thlawh chhuahsan tih a sawi a, a thlawh chhuah hnu hian ding lamah her kualin, \umhmuna let leh a tum laiin a tla tih a sawi, thlawhna hi a tlak hmain a kang tih lei a\anga lo hmutute chuan an sawi.
Ukraine security council chuan thlawhna tlak chhan awm thei zawng zawng, thlawhna kahthlakna hmanga kah a ni em tih tiamin an zirchiang tih an sawi.
