Myanmar civil sorkar hotu, Aung San Suu Kyi chuan tun kar chho-ah hian Bangladesh sorkar nen Rohingya muslim-te chungchang inremna an neih theih a beisei thu a sawi. Rakhine biala mihring dikna leh chanvo rah beh a nih leh nih loh chungchang zawhna chhangin Suu Kyi chuan hetiang thil hi a thleng ngei em tih an sawi theih loh thu leh, sorkar thuneitu an nih angin, a thlen lohna atan theihtawp an chhuah tur niin a sawi Rohingya Muslim mi, Bangladesh-a raltlante hruai let leh chungchang pawh naktuk leh naktip-ah Bangladesh Foreign Minister leh sorkar mi pawimawh dangte nen an inbe leh dawn tih a sawi. Suu Kyi chuan kum 1990-a Rohingya raltlante an lak let chungchanga Bangladesh ram nena inremna an lo neih tawh zulzuiin inremna thar hi an siam theih a beisei thu pawh a sawi a ni.
Chanchin Thar Rohingya mite chungchangah Myanmar leh Bangladesh inrem beisei
