MLA term dinglai-ah MLA zawng zawngin Assembly Secretariat a\angin motor thar leina tur an dawng vek a, Home minister ni lai Pu Lalchamliana chauh chu an dawn theih chin cheng nuai 10 la kim lo awm chhun a ni.

Mizoram Legislative Assembly-a member zawng zawng 40 ten Assembly Secretariat a\angin motor leina tur an dawng vek a, MLA term tir lama General Purpose Committee in a rel angin MLA te motor leina tur hi a hmaa cheng nuai 8 ni \hin chu cheng nuai 10 ah tihpun a ni a, MLA 39 in cheng nuai 10 hi an la kim vek a, MNF member Pu Lalchamliana chuan cheng nuai 8 sing 4 sang 8,548 a la a, ani chauh hi cheng nuai 10 la tling lo awm chhun a ni. Assembly Secretariat in zawhna a chhan danin, Pu Lalchamliana hian motor leina tur proforma a thehluh amount zat mila sanction a ni.

Nikum March leh October thlaah te khan Secretariat Administration Dept kaltlangin Chief Minister leh Minister te hman tur car thar 24 lei a ni a, a vaiin cheng vbc 3 nuai 54 sing 2 sang 9, 990 man a ni a. MLA 40 te car leisakna tura Assembly Secretariat in sum a sen hi cheng nuai 398 sing 4 sang 8 leh 548 a ni thung.

Mizoram Assemblyin dan a siam, the Salaries and Allowances and Pension of Member of the Legislative Assembly Act, 1999 Section 12 (i) &(ii) in a sawi angin Minister te pawh hi Assembly Secretariat a\anga Car leina tur pek ve an ni tih Assembly Secretariat chuan zawhna a chhannaah a tarlang a ni.

MLA term kal mekah Speaker leh Dy Speaker te hman tur official car thar pawh lei a ni a. Speaker hman tur hian Mahindra & Mahindra Ltd siam, XUV 500 SUV car, cheng nuai 18 sing 6 sang 7641 man lei a ni a, Dy Speaker hman turin Renault Nissan Automotive India Ltd siam, Duster SUV Car cheng nuai 13 sing 6 sang 5 leh 349 man lei a ni bawk. Speaker official car hlui chu kum 10 dawn a nih tawh avangin a chak tawh lo a, VIP hman atan a fit tawh loh avangin a thar lei a ni tih Assembly Secretariat chuan a sawi a, Dy Speaker hian support car a neih loh avangin a thar hi lei a ni tih zawhna chhannah a tarlang bawk a ni.