An Medal lak te hi Gold Medal 4, Silver Medal 4 leh Bronze Medal 5 an la a ni. Heng mite hi vawiin khan Assembly Conference Hall-ah Sports & Youth Affairs Minister, Pu Robert Romawia Royte-in lawmpuina a hlan a, he inkhawmah hian Lunglei South Bialtu MLA, Pu K. Pachhunga pawh a tel a ni. He inkhawm State Nodal Officer, Pu Zothanmawia kaihhruaiah thusawiin Pu Robert Romawia Royte chuan an hlawhtlinna chuan hlawhtlinna dang thlen ngei se a duh thu te, infiammite chu infiamna chi hrang hranga tel lova an thiamna bik luhchilh se a duh thu te a sawi a, Youth Olympic Medallist Jeremy Lalrinnunga chu Mizoram sorkarin cheng nuai 15 a pe dawn a, Mizo Nula Hockey khel thiam Lalremsiami pawh Asian Games leh Youth Olympic-ah Medal pahnih a lak avangin cheng nuai 20 pek a ni dawn niin a sawi bawk. 2nd Khello India Youth Games-ah hian State hrang hrang leh UT hrang hrang 36 a\angin infiammi an tel a, heng zingah hian Mizoramin 16-na dinhmun a hmu phak a ni.
