Ningani khan Agenda 12-na thleng an ngaihtuah hman a, chung zingah pakhat Durtlanga Synod Hospital-ah inbiakpawhna \ha zawk a awm theih nan kawng zawn ni rawh se tih Ramlai Presbytery a\anga lut chu hmalak mekna a ni tia chhan a ni a, Vellore Mizoram House-a Staff Nurse dah rawtna Aizawl East Presbytery a\anga lut chu hmun dang pawh thlir tel chungin Synod Executive Committee-in hma la rawh se tih a ni a, Synod Inkhawmpui dawna Committee hrang hrang thurel a hun hmaa sawi darh loh rawtna chu SEC bawhzui atan dah a ni. Synod hnuaia hnathawktu lakah zuk leh hmuama fihlim chauh lak ni rawh se Aizawl West II a\anga lut pawh Synod Executive Committee bawhzui atan dah a ni. Nimina rorel chhunzawmah Mizo Kristian Inneihna Dan PCI-in a hman mek hi Indian Christian Marriage Act-in a pawm tura hmalak nise tih Kolasib Presbytery a\anga rawtna lutte, Champhaia Synod Rescue Home din rawtna te, Synod Hospital-a mit chhungril enna (Optical Coherence Tomography) neih dan ngaihtuah tura rawtna te, Central Service-a Mizo an tlin tam theih nana hmalak rawtna te, Hunthar Pastor bial chhunga zu leh ruihhlo zuarte puala beihpuithlak rawtna te, Missionary lak tharte training chhung tun aia tihrei dan zawn rawtna te, Missionary lak tharte training chhung tun aia tihrei dan zawn rawtna te, Ruihhlo do kawngah Synod-in chak zawkin hma la rawh se tih te, Synod Partnership Committee dinhmun en \hata tihchak rawtna te, Sorkar a\anga mimal dinhmun tihchian nana Kohhran hriatpuina phut \hin chungchang te, Pastor Quarters chhung thuam dan bithliah siam rawt te leh Kristian Hla Bua hlate tidanglama Kohhran programme-a sa lo tura inzirtir uar te chu Synod Executive Committee ngaihtuah zui atan dah a ni.
Kum 2019 – 2020 Synod Budget-ah cheng 3,07,70,43,000 pawm a ni a,
Mizoram Synod hnuaiah hian Presbytery 51, Pastor bial 304 leh Kohhran 1,113 a awm a, Kohhran member 6,04,512 an awm mek a ni.
Naktuk Pathianni chawhnu inkhawmah nikum Synod leh kumin Synod inkara Pastor thite s<nna hun hman a ni ang a, Moderator, Rev. R. Lalhmingthanga’n Lalpa Zanriah Sacramen a \heh ang. Pathianni zanah Moderator kalchhuak Rev. F. Lalrinnunga hnen a\angin valedictory sermon ngaihthlak a ni ang.
