MNF President, Pu Zoramthanga’n nakkum Assembly inthlanah thawhpui nei lovin, an mal din dawn tih vawiin khan Pukpui-a Chawngbawla Hall-a Lunglei North Block-1 Conference leh SEDP Training neih a hmanpuinaah a sawi a, \anrualpui party dang an neihin party mite leh candidate-te tan thil tih a har \hin nia sawiin, mi \henkhatin BJP nena thawk dun tur angin sawi mah se, BJP hi an thawhpui loh tur thu a sawi bawk. MNF President chuan nakkum maia inthlang tur ni siin Congress party chu hnehna chan tum chetin an che lo niin a sawi a, hmasawnna hna thawh a awm loh avangin Mizoram mipuite an hnatlang nasa a, chu chu CM-in elsen hnatlang a ti leh si a, Zu zawrh pawh Kohhrante \awng\ai chhanna niin a sawi hial niin a sawi. Pu Zoramthanga chuan, Rangvamualah zu bilhna hmanrua an man a, chu kawngah vek chuan Truck ke 12 neiin Zu an phur lut hum hum reng si niin a sawi bawk.
