Finance Minister, Pu Lalsawta’n vawiin khan kum 2018-2019 chhunga Mizoram sorkar sum hman tur ruahman a pharh. Hetah hian nakkum, sorkar kum 2018-2019 chhunga sorkar sum hmuh zat tura beisei chu a pumpuiin Rs.96,72,64,00,000/- a ni a, heta \anga sum hmanral tur ruahman zawng zawng chu Rs.94,92,38,00,000/- a ni. Sum hmuh tura beisei hi sum hman tur ruahman aiin Rs.1,80,27,00,000/- a tam a, Finance Deptt. chhut danin budget surplus hi Rs.4,28,49,00,000/- a tling a ni. Budget pharh paha thusawiin Pu Lalsawta chuan nakkum sorkar kum chhunga Mizoram sorkarin Tax a\ang leh Non Tax a\anga sum a hmuh beisei zat chu Rs.8,07,19,00,000/- a ni a, hei hi budget pumpui a\anga chhutin za zela 9.06 chauh a ni tih a tarlang a, sum hmuhna dangte chu Finance Commission 14-na a\ang te, CSS te, Block Grant te a ni tih a sawi a, sorkar chhiah lakna zawng zawng nikum July ni 1 a\anga sorkar laipuiin Goods & Services Tax-a a thlak tak hnuah sorkar laipui sum hmuh hian a beisei zat a pha lova, Mizoram sorkar sum hmuh pawhin a beisei zat a pha lo niin a sawi a ni. Mizoram sorkarin GST a\anga sum hmuh a beisei zat chu Rs.50,00,00,000/- niin a sawi a ni. Sum hmanna tur ruahmante sawiin Finance Minister chuan sorkar hnathawkte hlawh, pension leh thildang \henkhat atana Revenue Account hnuaia sum ruahman chu Rs.71,79,62,00,000/- a ni tih te, Capital Account hnuaia hmasawnna ruhrel siam nan leh hmasawnna atana hnathawhna tura sum ruahman chu Rs.19,83,38,00,000/- a ni tih te, kumin sorkar kum aia sorkar sum hman tur punna chu za zela 9.88 a tling dawn niin a sawi.
