Fakselna

Eng kan ti nge inti Mizo ang reng hle si hian Sap hming invuah hi kan uar em em mai le? Hawh u, Mizo kan nih hi kan hming hian i tilang ang u.
Chhuanliana, BVT
————-

Hria inti leh fel inti mite thiltih sawisel, mawhphurhna an han chana engmah ni chuang si lote hi an va ninawm tak em. A thlawna thil sem hi a dawngtu tan a lawmawm hle a ni tih hi min hriatpui pha lo hle mai. Sorkarna han chang ve ta se, sem lovin a chhuhin min chhuh dawn em ni?
Jamera pu, HNTL
————-

Aiawt dawh leh chiah tih thu-ah hian chiah leh dawh hi a hmanna hun leh hmun a awm, aiawt pawh hi tuia dah/paih luh emaw chuan dawh emaw, chiah emaw a tling lo, tuia paih luh a ni mai. Ngawi dawh dan kalphung dik tak pawhin ti ila, ngawivarpui aiah thing tlawn dah ila, ngawidawh a tling lo, sangha leh chakai luhna tur hi dawh a ni. Luhna tur a awm loh chuan dawh a ni lo, aiawtah chakai an lut a dawh a ni, ngawivarpui chhungah sangha an lut a, ngawi dawh a ni. Luh theih loh tuia dah hi dawh a ni thei lo, tui dawn atangin tui a khawhthla a, a hnuaiah barrel kan dawh thin. Barrel awm mai mai hi dawh a tling lo, tui khawhtla zawn takah barrel kan dawh thin, lungtum kan dah erawh chuan tui khawhthla khan lung tum kha a khawh fuh a ni mai. Dawh chu a chhunga lut tur a awm khan dawh a ni a, hruihnangte hi an chiah thin.
Sanpa
—————-

Chanchin Thar chhiar hunah hian Chanchin Thar hi puan hmasak thin a va tha em. Ram hruaitute thiltih hi chu thil pangngai, an hna an thawk a ni ve mai a. Chanchin Thar hi chu mite ber pawh ni se thil thar leh danglamin a tlak buak a nih chuan an pawimawh ber zawk a, frontline luah tur an ni lo’m ni?
8794716138
—————

Tuikual Indoor Stadium-ah hian zan rei tak tak thleng an au dur dur reng mai a. Hmasawnna tur nge tluk chhiatna tur tih hi ngaihtuah chian a ngai hle mai.
9436143264
—————-

Kawnpui Rural Bank-a thawk zawng zawng, in chungah kan lawm khawp mai. Mipui a tu amah thlei bik nei lova tha taka min lo dawn sawn avangin ka lawm khawp mai. Khati khawpa inbuai chung pawha hlim sarha mipuite min la dawnsawn theih avangin kan lawm a, mi dang tan entawntlak tak an ni. Kan chunga in thil tih avangin Fakselna kal tlangin lawmthu kan sawi e.
No. thup
——————

Sangau Godown-ah buhfai a thlen that loh avangin Sangau Supply Centre huam chhung khaw thenkhatin June thla quota (Ration) kan la la thei lova, mipuiin harsatna kan tawk mek, thuneituten min han ngaihven thuai thuai teh u. In mi tanpuina Fakselna kal tlangin kan ngen takzet e.
9862060757
—————–

Party pakhat chuan kum 2018-a Assembly inthlanpuia an chak chuan zu an khap leh ang an ti a. Vote an hmuh tam phah an beisei ni ngei tur a ni. Kan tlin a, zu an khap (hlawhtlin ti kher teh ang) leh si loh chuan Court-a khing duh kan awm ta ve ang.
9612126503
——————

Sateek tlangdungah hian NLUP 2nd Phase lakhuihthei chin thlangtuten an la dawng miah lo mawle, a mak kher mai.
LB-a pa
—————–

Kan hnam thuam leh lam hmanga waiwai fak kher hi chu a va tul lo tehlul em. Hnam dang thilsiam fak nana zai ul ul awm lekte hi awm phei chu a ni a, an tih awm tawk vel chu a ni tho mai.
Soloa pa
—————–

Pu Lalduhoma’n IPS hna bansana Politics-a a luh chhan a sawi thin, ‘Rem lohna sal ata Mizo mipuite hruai chhuah’ tih leh ‘Retheihna sal ata Zoram mipuite chhanchhuah’ tih a ni a, a hmasa zawk khi chu tihhlawhtlin a ni tawha hriart a ni. Hawh u, a pakhat zawk retheihna sal ata Zoram mipuite hruaichhuak tur hian kum 2018-ah hian chance i pe ve tawh ang u hmiang.
9615957652
—————-

Powered by WordPress | Designed by: video game | Thanks to seo services, seo service and Etiketten drucken