Fakselna

Tunlai hian PB Road chu Thenhlum khua atangin siam that mek a ni a, hna enkawtu JE thahnemngaihna a lawmawm hle mai.  Fakselna kaltlangin lawmthu kan sawi e. Chutih rualin kawng siamtute pui tura YMA-in hnatlang a koh ringawt mai hi a tul chiah em aw. Hnatlanga kan pui dawn a nih rau rau chuan khawchhung an siam that lai khan hnatlang koh zawk ni se. A hrim hrim thuah kawng siam that hna hi contract-a thawh a ni a, hna tha taka an thawh theih nan hruaituten lo tawiawm kha a tawk viauvin ka hria. Khawtlangah thil dang ngaih pawimawh tur a tam lutuk. Tan han la sauh sauh teh u’n. YMA vul zel rawh se.
9436381280
—————

Mizovin Tit kan tih hi sapin Centipede an ti. Sa/Rannung ei chi a ni. Ketaminu chu Millipede an ti. Hnim-hnah ei chi a ni thung. Vanglaini, May, 21&22 phek 3-naa lang kha Tit a ni. Hriat hran a tha.
Chhuanliana, BVT
————–

Mizo mipuiin kan bawhchhiat pawi tak chu Pu Thenphunga kan hnawl hma lutuk te, Pu Hawla kan atchilh rei lutuk te, Pu Rama kan tuipui rei lutuk te, Pu Duha kan vawrh kang duh lo tlat te hi a ni. He bawhchhiatna sual atang hian kan tal chhuak thei reng. Party eizawn nana hmangtute thu hla kalsanin bawhchhiatna ata i tlan chhuak theuh ang u.
9862913345
————-

Rukru-in Mizoram mipui rawng min han bawlsak a nia leh! A tenawm teh e. Heti chung pawha kan la harh lo a nih chuan tuar tlak kan ni e.
Citizen
————–

Bualpui V atangin TCN kan pawt ve a, that lai a nei thei meuh lo a ni. Chu bakah film tha leh hmuhnawm a awm meuh lo. A hrilhaithlak hle mai.
9862354323
————-

Chakma leh Tuikuk ho chanchin hi ning hle mah ila sawi chhuah hi a ngai leh nge nge thin. Tun hnaia Whatsapp-a rawn darh vak mai Chakma hovin kan Mizo nulate chanchin an rawn sawi dan kha tupawh Mizo inti tan chuan thinrimthlak tawpkhawk a ni. Kha thil belhchian dawl lo lutuk leh huatthlala tak mai tawngkam mawi lo tak tak hmang tela rawn titu kha kan Mizo uisathiamte tan hian chhui chhuah har tak a ni dawn lo chiang. Khatiang taka kan nula chhuanawm leh duhawm tak takte huam tel veka Mizo tlangvalte min rawn chotu kha a hmel tal kan lo hmu ve ang e. Kan hnu chhui thiamte khan han rek chhuak teh u.
AK Ralte
————–

Aiduzawl VC te dam reng ula, in tan hian mipuite kan awm reng a nia. Zam lovin hma lam pan zel u la, dikna chauh umin kal zel rawh u.
Aiduzawl khaw pa
————-

Pu Hawla hian a insiam that a, a kalphung a thlak loh chuan a hote hi hniam takah mawng sawh mai ni lo, ngum sawh dawpin a tlakpui ngei ang.
Malsawma pa
—————–

Kum 2013 atanga Silchar ka zin tawh loh hnuah nimin khan thiante zarah ka zuk zin leh ta hlauh mai a, chuta ka thil zuk hmuh thar leh tak chu India thuneihna sangin zu dawr chu kawngpui atanga hla takah a zuar duh chuan an zuar tur a ni tiin thupek a chhuah a, tichuan kawngpui kama zu zuar lui ho chu tala lianin an lo kalhsak ta hmiah hmiah hlawm a, tichuan Mizoram, Aizawl ka ngaihtuahnaah a lo lang nghal a, World Bank Road, Chite kawngpui àn-a wine shop la inhawng ta te khu engtikah nge an inkhar ve ang le tiin ka ngaihtuahna a kal thui khawp mai. Kristian ram nena inmil lo hi hmuh belh tur hi a va tam thin tak em.
7005046967
—————-

Zawlnei chu ka ni lo, mahse ka vision atang chuan Pu Rama hian hahdam takin a ho-te nasa takin a tlinpui ang.
VL Ruata
—————-

Pavalai khawmpui, Ramhluna neih kha a va ropui em. Speaker thusawi kha a va tha em. Synod hruaitute, Pathiannia zin programme neia vairam thleng thlenga zin thinte ngaihthlak atan ka va it tak em, kan hruaitute an ni si a.
8731000950
—————

Siahaa Zonet Subscriber-ten Zawlbuk bak en tur kan nei lo. Thla a vei tawh a, Customer/Consummer te an zahawm hle! Channel in neih zawng zawng rawn pe tawh teh u.
9436168559
————–

Tlabung-ah dt. 10.5.2017 khan NLUP ar chaw, damdawi, tui pekna leh chaw pekna an sem a, mahse kan dawn dan a rualkhai lo hle mai. Ar chaw bag 5-in a thenah an sem a, veng dangah bag 4, hetianga sem tur hi a ni em le? Fakselna kaltlangin kan zawt e.
Tlabung pa
—————-

MNF Vice President, Dr. Thangtea’n kan sorkar chuan Assam Rifles-te kan sawn chhuak ang a ti hi a zak lo ka ti. Hmanah pawh kan sorkar chuan kan sawn chhuak ang an ti a nih kha. Kum 10 an sorkar a, an sawn thei lo a nia. Chung ho tho chu tuna Minister nih tum te an la ni a, thu awihawm loh deuh deuh a sawi ngam hi mipui zah lohna dik tak a nih mai bakah Pathian zah lohna a ni.
9402334612
————-

MNF leh Congress sorkar la sawimawi tlat leh an sorkar theih nana hma late reng reng chu rualawhna chang hre lo leh anmahni mimala hamthatna dawng phak leh dawn ve tum te leh kut tling lova sum lak luh hreh hauh lo an ni tihna a ni. A chhan chu an sorkar chhunga min thlenpui chu heti mai hi kan nih hi.
Ramveia Ralte
—————–

I puan pho thliin a chhem thlak loh nan uluk taka clip-a i chep bet thin ang hian lang tlang theia nun i pho chhuahna khawvelah hian sual thlipuiin a chhem thlak loh turin i nun chu Pathian thu takin i chep bet thin em?
8575437554
————

Ni e, MNF-te hian SEDP chu an sawi ang chu mawle. An Manifesto alawm. Congress pawhin an ti alawm.
Damdami pa
————–

Fakselna kan en theih lohna a rei tawh khawp mai. A that pawhin chanchin thar dawn ve leh hian a chhe ve ziah mai a, a ngeiawm khawp mai.
No. thup
—————

Powered by WordPress | Designed by: video game | Thanks to seo services, seo service and Etiketten drucken