www.zonet.in

Tualchhung chanchin thar

Federation of Mizoram Trade Union (FOMTU)-te chuan vawiin khan Department hrang hrang-a MR hnathawk-te an Office, Treasury Square-ah an ko khawm a, hetah hian sorkar leh NTUM-te’n inremna an siam an duh loh zia an sawi nawn a, he thil hi tihtawp leh ngei ni se an ti a ni. FOMTU hruaitute hnen a\anga ZONET thudawn danin sorkar leh NTUM-te inremsiamna hi MR-te’n Regularisation Scheme 2000 an nawrna avanga inremna a ni a, Regularisation Scheme ni lo-a NTUM hruaitute dahngheh tura inremna a nih avangin he thil hi tihtawp leh ni se an ti a, MR Regularisation Scheme 2000 chu a taka hman ni se, post ruak hnawhkhah a nih apiangin MR-te chu an Quota anga dah zel ni se an ti a, tuna post ruak awm pawh hi an tana tih ni se an ti a ni. He thil-ah hian FOMTU-te hian vawiin tlai khan Home Minister chu a Pisa-ah hmuh an tum a, Minister hian dar tlai 3:30-a hun a siamsak chu tlai an tih avangin a hma lama hmuh an tum chu Police-te nen an innawr buai deuh a ni

———-

Ramhlun North leh Chaltlang-a awm, Nazareth Hospital-te chuan vawiin khan Aizawl Press Club-ah MJA member leh an chhungte tan Free Clinic an buatsaih a, damlo leh insawiselna nei mi engemawzat an en a ni. He Free Clinic-ah hian Nazareth damdawi in-a Medicine Doctor, Dr.JC Lalremruata chuan inentir-te chu a en a, hei bakah hian ECG hmangin lung lama insawiselna neite en an ni a, mi engemawzat thisen leh zun enfiahsak a ni a, MJA member-te bakah Media mi dang \hahnem takin he free clinic-ah hian an inentir a ni.  Nazareth Hospital hian MJA member-te chu General Ward-ah awm man a free a, Cabin leh khawl hmanga en-te, laboratory test-ahte man chanve zelin a tihsak \hin a ni

———

Pachhunga University College chuan an College kum 50 tlin, Golden Jubilee lawmna kal zel-ah vawiin khan Durtlang-a Presbyterian Kohhran damdawi in leh Aizawl Civil Hospital-a a mamawh apiang hman atan thisen unit 333 an pe a, College hnathawk leh zirlai-te tan a thlawn-a inentirna hun an buatsaih bawk. PUC thuneitute hnen a\anga thudawn danin zirlai, tlawmngai-a thisen pe-te hian Aizawl Civil Hospital tan Unit 205, mipa 158 leh hmeichhia 47-in an pe a, Durtlang damdawi in tan Unit 128, mipa 88 leh hmeichhia 40-in an pe a, hei hi nikhat-a thisen pek tam ber niin an sawi a, hei bakah hian Doctor thiam tak tak-te’n a thlawn-in inentirte an en a ni. Pachhunga University College hi kum 1958 August ni 15-ah din a ni a, an Golden Jubilee lawmna hi May ni 29 khan hawn a ni a, a lawmna pui ber chu August ni 15-ah neih a ni dawn a, Golden Jubilee lawmna hi kumtluana neih tur a ni a, kum tawp lamah khar tura ruahman niin hetah hian Prime Minister chu khuallian turin an sawm a ni a, tunah hian zirlai 1,200 chuang awmin Lecturer 89 leh Non-Teaching Staff 85 an awm a, zirlai-te tan subject 19 zir theih a ni a, Golden Jubilee lawmna chi khat atan subject thar 5 hawn belh a ni dawn a ni. PUC hi Zoram Research Foundation-in Mizoram-a College \ha ber-ah vawi 2 a lo puang tawh a ni

Mizoram Education Inspecting Officers’ Association chuan nimin khan Tourist Lodge-ah Conference-cum-Election an nei a, School Education Minister Dr.R.Lalthangliana’n a hmanpui a ni. Minister chuan Education Department chu department lian, Mizoram sorkar hnathawk hmun 4-a \hena hmun 1 lai thawhna a ni a, Department chuan harsatna hrang hrang tawk \hin mahse nasa takin hma an sawn a, hnathawkte chu mihring enkawl hna an thawk tih hre reng turin a chah a ni. Minister chuan an Department chu Deptt lian ni si, Education Act pawh lo la nei lo niin a sawi a, mahse tunah chuan nasa tak an beih avangin an nei ve ta chu thil lawmawm tak a nih thu a sawi a ni. He hunah hian Department hruaitute an kal \ha hle a, General Secretary report-te ngaihthlak niin tlai-ah hruaitu an thlang a ni

———–

Assam Rifles Director General thar Lt. General Karan Singh Yadava chuan nimin khan Larsap Lt Gen MM Lakhera leh Chief Minister Pu Zoramthanga-te chu an chenna ve ve-ah a hmu a, hetah hian Assam Rifles Director General thar chuan hruaitu pahnihte hnen-ah hian a hnathawh tum dan hrang hrangte a hrilh a ni. He hunah hian Larsap leh Chief Minister chuan Mizoram leh hmar-chhak bial venhimna kawnga Assam Rifles hnathawh chu chhuanawm an tih thu leh Mizoram chu International boundary thui takin a hual vel avangin mit leh beng chhit ngun \ul an tihzia-te an hrilh a ni

———–

Mizoram State AIDS Control Society leh Art & Culture Department \angkawp-in vawiin khan Babutlang-a Archive Hall-ah Art & Culture Department hnuaia Drama Club zawng zawngte tan HIV/AIDS chungchanga training an buatsaih. He training hi Mizorama drama club hrang hrang hmanga HIV/AIDS chungchang mipuite zirtirna tura ruahman a ni a, HIV hrikpai chunga naupai-in a fa-ah a kai lohna tura naupai laia inentir-te, mipat hmeichhiatna kawnga nun fimkhur-te, \halaite tan mahni nun uluk leh invawn thinghlim-te, HIV/AIDSD veite endawng loh leh HIV darh zel lohna tura inven chu mitin mawhphurhna a nih thu drama hmanga puandarh dan tur an zir a ni.
———–