Iraq-a US sipai hotuin bomb tlawlh dap chhuah leh then fai kawngah Iraq sipaite an pui dawn tih a sawi

0
1372
views

Iraq rama US sipai hotu, Gen. Stephen Townsend-a chuan US leh a thawhpuiten he rama beihpui an thlak chhunga bomb an thlak, puak ta lote dap chhuaka then faina kawngah America sipaiten tualchhung sipaite an puih tur thu a sawi a, Mosul leh Iraq rama khawpui dangah hetiang bomb puak lo hi a tam hle rin a ni. Sipaite chauh ni lo, Islamic State mi firfiakte pawhin hmun tam takah bomb hi an kam a, naupang inkhualtelemna hmanruaah te, kawngkhar leh hmun dang tam takah, awlsam taka puak thei mai turin bomb hi an kam nia hriat a ni. Bomb thian fai tur hian company pakhat, Janus Global Operations chu rawih a ni a, mi thenkhat phei chuan, Mosul khawpui thlang lama bomb thian fai vek tur hi chuan kum 25 vel a duh an rin thu an sawi hial a ni.