TUALCHHUNG CHANCHIN THAR

Mizorama lo zin mek, Supreme Court Judge, Justice JS Khehar chuan, mipui inrelbawlna sawrkar hnuaiah mipuiten an chanvo tur dik tak an chan chuan khawtlangah intluktlanna a awm a, mipuite an hlim \hin a ni a ti. He thu hi nizana Aijal Club-a Mizoram State Legal Authority-in dan in hrilh hriatna programme a buatsaih, ‘Legal Service: Access to Justice for All’ tih a hman puinaah sawiin, Justice JS Khehar chuan, Mizoram chu state ral muang a nih avangin pawikhawihna leh thubuai hla buai a tlem tih a hriat chu thil lawmawm tak a ni a ti a, Kristian te chu in \anpui tawna nung ‘Great brotherhood of Charity’ an ni tih sawiin, Mizorama Kristiante chuan mi rethei leh hnuaihnung zawk ten dan an hriatna tur leh dan hnuaiah an chanvo an hmuh theihna turin hna ropui tak an thawk thei niin a sawi. Legal Services Authority hnathawh chungchang sawiin, Justice JS Khehar chuan, hemi hnuaiah hian mi retheite’n an chanvo an chan theih nan a \ul chuan Legal Services Authority-in an aiawhin dilna ‘Petition’ court-ah a thehlut thei niin a sawi.Gauhati High Court Chief Justice, Justice A. K. Goel pawhin thusawiin dan hnuaiah mite chu an intluktlang vek a, mahse mi rethei leh mi harsa zawkte’n an chanvo an hriat loh \hin avangin ngawi rengin harsatna an tuar \hin a, mi hausa leh mi thiltithei te chuan an chanvo hria in an humhalh a, hetih lai hian mirethei te chuan thubuai an neih in, an chanvo dik tak an hriat loh avangin harsatna an tawk \hin a, jail-ah te pawh an tan phah a, chuvangin mi dangte chanvo chhuhsak lova mi tinin an chanvo dik tak an chan \heuh theih nan thawh ho a \ul niin a sawi. He inkhawma thu sawitu dang, Law Minister, Pu Lalsawta chuan, Mizoram mipuite chu ziak leh chhiar thiam lamah sang viau mahsela dan leh hrai hriatna lamah chuan an la hniam hle a, Mizoram State Legal Services Authority hian tih tur tam tak a la nei a ni a ti a, media-te thawhpuina avangin kawng tam takah awlsamna awm tih sawiin, Lok Adalat-in thubuai rem kawnga hna a thawh dan chu fak tlak niin a sawi bawk. Palaite lawmna thu sawitu, Gauhati High Court-a Judge, Mizoram State Legal Services Authority-a Executive Chairman ni bawk, Justice Ujjal Bhuyan pawhin mi harsa zawkte’n thubuai an neihin rorelna dik an hmuh theih nan pan tur an hriat a pawimawh a ni a ti a, ukil rawihna neih loh chuan Legal Services Authority-in a thlawnin ukil an rawih sak thei tih a tarlang bawk. He inkhawmah hian Law Secretary, Pu P.Singthanga, Gauhati High Court-a Mizoram Advocate General, Pu Biswajit Deb, Mizoram Bar Association hruaitu leh Judicial Service Officer-te an tel a ni.
————-

MNF Party chuan MPCC Media Department chu thuthar la khawmtute an kawm \uma an thusawi \henkhat sawifiah turin an ph<t. Vawiina thu chhuah an siamah MNF Party chuan, MPCC Media Department-in thuthar la khawmtute an kawm \uma an thusawi, MNF kawngzawh ni-a an kawng zawh ep zawnga kawng zawh ve mai duhna thinlung an neih thu an sawi chhuak te, Kohhhran hruaitute’n do l>t lo tura an ngen vanga a ep zawnga kawngzawh ve ta lo chauh ni-a an insawi te, MNF chu an thil tihin a vuak l>t tur thu Kohhran hruaitute’n an hrilh ni-a an sawi te chu sawifiah turin an ph<t a, Congress Party chuan Kohhran hruaitu zahawm tak takte party politics thila hnuh luh tumin, an hmai tih balh an tum ni ngeia an ngaih thuan sawi. MNF thu chhuah chuan, siam chawp pathian hma-a puja thei, Pu Lal Thanhawla kaihhruai Congress Party-in politics inchirhthehna huanga Kohhran hruaitute hnuh luh an tum chu an dem hle niin an sawi a, Democracy ramah chuan eptu Party emaw, pawl dang dangin sorkar laka lungawi lohna an lanchhuah tir chang a awm \hin a, chumi hmanruaah chuan kawng zawh leh total bandh te chu hmanraw chi khat a ni a, an Party kawng zawh chhan pawh ram hruaitu lu berin milem pathian a biak duh lohna lantir a ni a, khami ni-a a ep zawnga Congress Party-in kawng zawh ve tum anga an sawi chu milem biak duhna kawngz awh a nih loh chuan kawng zawhna tur chhan engmah an nei lo niin an sawi. MNF Party thu chhuah chuan, an Party kawng zawh ni-a Congress party-in a ep zawnga kawng zawh an tumna chhan an Media Department-te’n an sawi chu MNF mipui leh Mizo mipuite lungawina thama an sawifiah ngei an ph<t a, an kawng zawh ni khan MNF mipui epzawngin Congress Party khan kawng zawh ve ta se, party pahnih inkarah buaina lian tak chhuak palh thei leh intualvuakna hial thleng thei a nih hrereng a, hetiang thu an sawi duh chu buaina an duh hrim hrim vang a ni thei tih sawiin hei hi an sawi fiah ngei an ph<t niin an sawi.
—————

Darlawn District Demand Committee-in Darlawn District thar an ngiat chu tun thla ni 25 hma ngeia thuthar neihsak turin sorkar an ph<t. Darlawn District Demand Committee chuan vawiin khan Chief Minister, Pu Lal Thanhawla hnenah lehkha thawnin sorkar chu Darlawn District thar siam turin an ngen a, an lehkha-ah chuan hun rei tak a\anga Darlawn tlangdungin Mizoram state inrelbawlna chhunga District Administration a hranga an neih theihna atan Darlawn-ah District capital dah turin sorkar an lo ngen tawh \hin a, mahse an ngenna chu vawiin thlengin sorkar-in tih hlawhtlin sak tuma \an a lak an la hmu lo niin an sawi a, an ngenna chu ngenngawl takin sorkar-ah an thlen nawn leh niin an sawi. Darlawn District Demand Committee chuan, Tipaimukh tlangdunga mi chengte Mizoram hmun danga hmasawnna awm ang an duh ve niin an lehkha-ah chuan an sawi a, hamsawnna an neih ve theihna tura an ngaih, District Capital an ngiatna chu a muanawm thei ang bera kalpui an duh a, sorkar chuan District thar a pek ngen an beisei thu sawiin tun thla ni 25 hma ngeia thuthar neihsak turin sorkar an ph<t a ni. Darlawn District Demand Committee chuan, an tlang dung tan District thar an dil chu a ^wm lohna chhan an hre lo niin an sawi a, an beisei ang ngeiin sorkar chuan District thar an dilna chu a tih hlawhtlin sak an beisei niin an sawi.
————-

Mizoram tlawha lo zin mek, Delhi Legislative Assembly-a Ethics Committee, Minority Committee leh Mizoram Legislative Assembly Ethics Committee-te chu vawiin khan Mizoram Assemnly Speaker Committee Room-ah an inkawm. Heng mite hian Mizoram Legislative Assembly Ethics Committee kalphung leh hnathawh dan zir chiang tura lokal an ni tih an sawi a, inpawh takin an inkawm ho a ni. Heng mite hi Delhi Legislative Assembly-a Ethics Committee Chairman, Dr Narender Nath leh Minority Committee Chairman, Ch. Mateen Ahmete’n an ho a ni. Mizoram Ethics Committee chu an Chairman, Pu Lalrobiaka’n a hova, member te chu Pu Nirupam Chakma, Pu PP Thawla, Pu Hmingdailova Khiangte, Pu R Sel|huama leh Dr Ngurdingliana te an ni. Heng mite hian Assembly House leh Office te an tlawh kual hnuah Assembly Speaker Pu R. Romawia an kawm bawk a ni. Delhi Legislative Assembly-a Ethics Committee, Minority Committee member-te hi nimin khan Aizawl an lo thleng a, naktukah Aizawl chhuah sanin Manipur an pan dawn a ni.
—————–

Eptu Party pathum \halaite’n Laipuitlang leimin rapthlak takah Chief Minister leh PWD Parliamentary Secretary-te chu mawhphurtu-a puhin bang turin an ph<t. MNF, MPC leh ZNP |halai OB-te chu vawiin khan Ritz Hotel-ah an \hu khawm a, hetah hian resolution pass-in kha leimin rapthlak taka thi chhung te, hliam leh in leh lo chante an tawrhpui thu an sawi a, kha leimin kha PWD lamin an tih tur an tih tawk loh vanga thleng ni-a an ngaih thu an sawi a, hei vang hian PWD enkawltu pahnih, Chief Minister, Pu Lal Thanhawla leh Parliamentary Secretary, Pu Lal Thanzara-te chu bang turin an ph<t a ni. Eptu Party pathum \halaite chuan, Technical Entrance Exam-a thil fel tawk lo a awmin Education MInister, Pu Lalsawta’n banna a thehlut a, MST bus a chetsualin Transport Minister, Pu PC Zoramsangliana’n a mawhphurhna-a ngaiin banna a thehlut a, kum 1993-a HSLC exam zawhna a puh ruk \umin Education Minister, Dr. H. Thansanga pawh ban luih tir a ni tawh niin an sawi a, hei vang hian Laipuitlang leimin rapthlak tak thlen chhan chu PWD-in an tih tur an tih tawk loh vang a ni a, hei vang hian PWD changtu, Chief Minister leh Parliamentary-te chu bang ngei turin an ph<t a ni. Eptu Party pathum \halaite chuan, Laipuitlang leimin chhan leh mawhphurtu zawng chhuak tura Aizawl Bawrhsap, District Disaster Management Committee-a Chairman ni bawk kaihhruaina hnuaia Magisterial Enquiry din chu he chhiatna rapthlak taka mawhphurtu dik tak zawn chhuahna hna thawk tura thuneihna nei tawk lo-a an ngaih thu an sawi a, he chhiatna-a mawhphurtu dik tak chhui chhuak turin High Court Judge \ang lai emaw, chawl tawh emaw kaihruaina hnuaiah politician-te hlahthlem lo tur, Judicial Enquiry din an ph<t niin an sawi. MNF, MPC leh ZNP |halaite chuan, sakhaw zalenna ramah mi tu pawhin an duh ber sakhua an zawm thei a, mahse Kristian Chief Minister, Pu Lal Thanhawla’n sakhaw dang serh leh sang a khawih ve ringawt chu \ha lo an tih thu an sawi a, Pu Lal Thanhawla chu Mizo mipuite hma-a ngaihdam dil turin an ph<t a, Congress Party an sorkar apianga sum harsatna thleng ziah an ngaimawh thu leh hei hi CM thatchhiat vang ni-a an ngaih thu an sawi a, Delhi lama taima taka Mizoram mamawh sawi chhuak ve turin an ph<t a, Congress party chu Mizoramah sawrkar tawh lo se an duh niin an sawi bawk.
————

Lai Autonomous District Council sum, Rs. 47,95,645 bo chhuinaah thil hriat chhuah pawimawh a la awm lo. Lawngtlai Police Station a\anga thu dawn danin, he sum bo kaihhnawihah hian District Council-a thawk mi 8 thu zawhfiah atan l^k an ni a, heng mite hi vawiin khan Court-ah in lan tir an ni a, Police-te ngen angin Court chuan Police-te kutah darkar 48 an awm a phal sak a ni. Puan tawh angin, Lai Autonomous District Council sum hi Executive Secretary, Pu C. Zoramthanga room a\anga ruk chhuah a ni a, engtika ruk nge a nih tih erawh chu hriat theih a ni lo a, Zirtawpni kal ta-a pisa khar kha nimin t<k khan chokider-in a hawng a, hetah hian misualte pawisa rukna hnuhma hi a hmuchhuak a, hemi hnu hian police te kova chhui tir a ni ta a ni.

Hetih lai hian nimin zing khawvar hma-a Khatla-a Dr.Lalsawma varandah-a bike 2 leh Scooty 2 hal chungchang chhuinaah pawh Police te chuan thu thar an la nei rih lova, thu zawhfiah atan mi 6 an l^k te chu darkar 72 chhung Police-te kuta awm turin Court chuan a phal sak a ni.
————–

North Eastern Region Capital Cities Development Investment Program hnuaia Project II, SIPMIU-in a kalpui mek ah septic tank paih faina tur motor 5 leh septic tank paih faina khawl te chu Aizawl rawn phurh thlen tawh an ni a, tunah hian Rangvamuala Ch. Saprawnga Truck Terminal-ah dah an ni. Motor pakhat leh a kawppui khawl hi Ts. 17,50,000 man zel a ni. Motor leh khawl zawmna tur pipe sei tak chu a lo la thlen loh avangin heng motor leh khawlte hi enchhin theih ala ni rih lo a, engkim a nih tur ang a nih hunah heng khawl leh motorte hi Aizawl Municipal Council kutah hlan a ni ang. Asian Development Bank (ADB) sum hmanga North Eastern Region Capital Cities Development Investment Programme hnuaia Project-II tih hlawhtlin nan hian septic tank tih faina khawl leh motor bakah tui metre 20,000 sing 2 a lo thleng tawh a heng te hi mimal tui lakna pipe-ah vuah tur a ni dawna, hemi bakah hian Chanmari booster pump tur leh Tlangnuam booster pump tur tui pump set chah thlen a ni tawh bawk. Project-II hnuaia thil tih tur dangte chu, Aizawl khawpui chhung hmun hrang hranga tui zem chhe tawh thlakna tur tui zem lian hmun thuma siam te, Mission Vengthlang, Luangmual, Govt. Complex, Laipuitlang, Bawngkawn, Zemabawk I leh II leh Nisarih Tlanga tui sem darhna pipe chhe tawh thlak te, Greater Aizawl Water Supply Scheme Phase II tan liau liau tui pumpna atana hman tur, 132 KV line hmanga power pek te, Aizawl khawpui chhung hmun hrang hrang 10-a vangtlang inthiarna tur, community toilet siam te, Aizawl khawpui chhuah lama chengte thli leh ek-in thli te lakkhawmna tur, Sewerage Network, Aizawl chhuah lama siamte, Bethlehem Vengthlanga a luan khawmna hmun tur siam a, treatment plan siam te chu hnathawh tur ruahman te chu an ni.
—————

Mizoram Value Added Tax Act, 2005 chungchang vawiin khan I&PR Auditorium-ah Contractor-te zirtir an ni.  He dan hi thla hlui ni 24 a\ang khan Mizoramah hman \an a ni a, hei hi contractor-te’n an contract pumpui hlut zawng a\anga chhuta chhiah ‘Value Added Tax’ za zela 2 sorkara an chhun luhna tur a ni a, awlsam zawka he chhiah hi contractor ten an pek theih nan sorkar chuan VAT Act Section 48-na tlawhchhanin Composotion Scheme for Work Contract a siam a, hemi chungchang hi he inkhawmah hian Commissioner of Taxes, Pu Lalthangliana Varte, DeputyCommissioner of Taxes, Pu LH Rosanga leh Asst. Commissioner of Taxes, Pu HK Lalhawngliana-te’n an zirtir a ni. He dan inhrilh fiahna ah hian he scheme hnuaia tax pe tuten sumdawng dangte ang bawka bungrua man tlawm zawka an lei theih nan Central Sales Tax Act, 1956 hnuaia declaration Form ‘C leh Mizoram Value Added Tax Act, 2005 hnuaia Waybill (Form 33) an hman ve theih dan te tarlan a ni.
————

Mizorama Medical College din dan tur chungchang vawiin khan Working Committee on Establishment of Mizoram Medical College, Parliamentary Secretary, Health changtu, Pu S.Laldingliana kaihhruai-in an sawiho. Sorkar laipui dan ding lai angin Medical College hi a buiding, hostel leh mamawh dangte sakna tur chu sorkar laipui tum tur a ni a, Medical College enkawl chhoh zel erawh chu state sorkar kutah a awm a, mahse Mizoram chu state rethei, mahni sum thawh chhuah nei tlem a nih avangin sorkar tum veka he Medical College hi dina enkawl chhoh a nih theih nan Committee chuan ruahmanna a siam a, an thu rel chu ram hruaitute sawi ho tura chhawp chhuah tum a ni a, hei bakah hian thil dang thlan theih te pawh sawi tel a ni bawk. Meeting-ah hian Medical College leh Cancer Hospital atana thil \ul ruahman, DPR & Concept paper te pawh peihfel a ni tawh tih leh Union Health Minister, Pu Gulam Nabi Azad-a hnenah a copy thawn a ni tawh tih tarlan a ni. Meeting-ah hian Health Secretary, Pi Esther Lalruatkimi, Health Services Director, Dr. K.Ropari, Hospital & Medical Education Director, Dr. Lalrinliana Sailo leh mi pawimawh dang te an tel a ni.
———

Mizorama vawk natna thar leng mek chungchangah Vety Department mi thiamte’n mipuite chiai lo turin an chah. He natna hmuh chhuah thar chungchangah hian vawiin khan AH&Vety Department hotu liante chuan \hut khawm hmanhmawh an nei a, he natna hi Myanmar leh Meghalaya-ah te hmuh chhuah a ni tawh a, uluk taka an zir reng thu leh mipuite chu chiai lo turin an chah a ni. Vety Department mi thiamte chuan, he hri leng hi vawk note-in an vei nasat zual bik niin an sawi a, vawkpui rai-in no an chhiat phah nasa niin an sawi a, vawk puitling erawh thihpui an tlem a, vawk tan natna inkaichhawn awl a nih avangin vawk vulhtu te fimkhur turin an chah a ni. Vety Department chuan, vawkpui vulh-te’n vawk in dang tlawh loh a, mi hrang hrang vawk ina kal tir loh a him niin an sawi a, he natna hi Myanmar a\anga vawk lak luh atanga an vei a nih an rin thu an sawi a, ramri hrula ran check post-a officer leh staff ten uluk leh zuala ran lo lut enfiah tur leh mahni post chhuah san lo turin an in hriattir a, Myanmar a\anga vawk l^k luh khap turin sorkar ah thlen an tum bawk.
————-

CADS leh Dawrpui YMA-te’n vawiin khan Millennium Centre chhunga mi pakhat hnen a\angin heroin hawng 2 an man. CADS leh Dawrpui YMA-te hian an thu dawn bawhzuiin Millennium Centre chhunga mi pakhat chu an dap a, heroin hawng 2 a lo kawl niin an sawi a, amah hi Lalbiaksanga, kum 42, Tahan D Group ni-a inchhal a ni a, a ruihhlo kalw hi Rs. 1,30,000 man vel a ni a, Excise & Narcotics kutah an hlan a ni.
—————

Horticulture Fair chu vawiin khan Assembly House Annexe Garage-ah Parliamentary Secretary, Horticulture changtu, Pu KS Thanga a hawng. Hawnna thu sawiin Pu KS Thanga chuan, Department-in Quality Planting Material an ngaipawimawh a, kut hnathawktute’n an duh ang thlai ching lova, mi thiam te thu rawn ngai pawimawh turin a chah a ni. Fair hawnna inkhawm hi Horticulture Director, Pu Samuel Rosanglura’n a kaihruai a, fair hian Zirtawpni thleng a awh ang a, nitin kuthnathawktute pualin seminar neih a ni ang.
————-

Synod Executive Committee chu vawiin khan Synod Office-a J.M. Lloyds Hall-ah an \hu khawm a, Board leh Committee hrang hrang a\anga thu lutte bakah Synod Inkhawmpui thu passed kal zelte an ngaihtuah a ni. SEC \hut khawm hian ni thum a awm dawn a, thu ngaihtuah tur chhawp chhuah zingah Auditor-te sum en dikna report thlirho te, Synod sum dinhmun thlirho te, Synod Pay Commission 2013 Preliminary Reports thlirho te, Synod Office-a Superintendent hna chelhtu tur ruat te, leilung leh nungcha humhalh thu te, hlamzuih tibo zawnga kawng zawn te, tunlai thiamna hmanga nau pai leh fa neih chungchang inkaihhruaina dan siam te, rinawmna inzirtir chungchang te, Bangalore Mizo Kohhran kalphung ruahman te, Synod Revival inkaihhruaina en \hat te, Falkawn Referral Hospital-a Chaplain dah thu te, K|P inkaihhruaina dan en \hat te, LIKBK leh Chhim lama pawl dangte nena thawhhona chungchang te, Synod Higher Secondary School-a lecturer post 6 contract-a hnawh khahte leh Bible Society of India leh Kohhranho thawhho dan en \hatte chu a langsar zual an ni.
————-

Disaster Management & Rehabilitation Minister, Pu Nihar Kanti Chakma chuan tukin khan Laipuitlang leh Ramhlun Venglaia lei minna hmun a tlawh a, he lei min thil tih chhiat then fai leh seng hawi chhun zawm zel dan tur a hmunah a en fiah a ni. Minister hi DM&R Department-a Jt. Director, Pu Lalhmunsanga, Addl. DC, Pu J.Hmingthanmawia leh Zonal Officer, Pi Lalchhandami ten an \awiawm a ni. Minister chuan, PWD Engineer-te, Zonal Officer-te leh Local Council-te nen a hmunhma chik zawka enfiah a, sum senso ngai turte chh<ta an thil hmuh dan chu DC Office-ah thehluh thuai \ul a tih thu a sawi a ni. Thla hlui ni 11 zinga helai hmuna lei min rapthlak tak thleng, mi 17-thihna leh chenna in tam tak leh bungraw tam tak channa ah hian a thenfai hna leh bungraw seng hawi hnathawh chhunzawm zel a ni a, JCB leh truck hmangin Local Council leh khawtlang hruaituten he hna hi an thawk a, lei minin a chhilh, Laipuitlang Presbyterian Kohhran Jubilee Hall leh a bula mimal in \henkhat te erawh chu an dinhmunin a zir loh avangin khawl hmanga hai theih a la ni lo a ni. Tukin vek khan Pu Nihar Kanti Chakma hian Chanmari leh Chaltlang inkara kawng chhak ko min fo \hin pawh a en nghal a, Aizawl District Disaster Management Authority \an lakna-a he lai hmuna lung tla tur venna atana thir len zar pawh a en nghal a ni.
————–

Khawbung BDO, Pu Lallawmawma chuan Vangchhe khawdaia Zofate thlangtlâkna Kâwn-a ‘Zofate Thlangtlâk Gate’ siamna tur lung nimin khan a phum. Zofate Thlangtlâk Gate hi he kawtchhuah luhnaah siam tum a ni a, Gate chungah hian pi pute sûlhnu hmuh chhuah ang ang te chu, an chanchin ziahnate nen Museum-cum-Library siam turah dah a ni dawn bawk a ni. Hemi hmunah hian Vangchhe Bûng hlun \iak a phun bawk. Vangchhe khaw daia pi pute sulhnu lungah hian milem dang dai taka ker pawna ziak a awm bawk a ni.
—————

Central YLA leh Tourism Department buatsaihin Rural Tourism Awereness Campaign vawiin khan Lawngtlaia Central YLA Hall-ah neih a ni. He campaign a thu sawitu, Parliamentary Secretary, Pu H.Zothangliana chuan, hmun danga miten Mizoram mawi an hmuh theihna turin Tourism Department chuan nasa takin \an a la a, hei hi chhawr \angkaiin khualzinte a\angin Mizoram chuan Economic lamah hma a sawn dawn niin a sawi. He campaign-ah hian Tourism Officer, Pi Rachael Lalnunhlui chuan a lem nen entirin Rural Tourism thil tum a sawifiah a ni. He campaign hi Central YLA Preident, Pu LZ Tluanga’n a kaihruai a ni.
————

Vawiin khan Aizawlah khaw lum lai ber Celsius Degree 28.5 a ni a, a vawh lai berin Celsius Degree 20.8 a ni. Hemi chhung hian ruah milimetre 3 a sur a ni. Boruak hi a ro lai berin za zela 45.2 a ni a, a hnawn lai berin za zela 90.5 a tling a ni.
———

Naktuk, Nilaini-ah chuan ruah a sur rin a ni a, khaw lum lai berin Celsius Degree 29 vel a vawh lai berin Degree 21 vel a nih rin a ni. Zing dar 4:32-ah ni a chhuak ang, tlai dar 6:02-ah a tla leh ang.
——–

You can leave a response, or trackback from your own site.

Leave a Reply

You must be logged in to post a comment.

Powered by WordPress | Designed by: video game | Thanks to seo services, seo service and Etiketten drucken