RAM CHHUNG CHANCHIN THAR

September 2nd, 2010

Pi Sonia Gandhi-i chu Congress President atan chuh lohva tlingah puan a ni dawn. Pi Sonia Gandhi-i hian an party President thlanna chuh turin vawiin, hming pek luh theih ni hnuhnung berah khan a hming a pe lut a, amah rawttute zingah hian PM, Manmohan Singh, Rahul Gandhi, Delhi CM, Sheila Dikshit, Rajasthan CM, Ashok Gehlot leh Haryana CM, Bhupinder Singh Hooda bakah hruaitu langsar dang tam tak an tel a ni. Congress party hruaitu thlannaah hian an party Central Election Authority Chairman, Oscar Fernandes chu Returning Officer a ni a, hun tiam chhunga hming pe lut dang an awm loh avangin Pi Sonia Gandhi hi chuh lohva tlingah a puang dawn ta a ni. Kum 63 mi, Pi Sonia Gandhi hi Congress President, a zawna ni rei ber a ni dawn ta a, kum 1988 April thla khan Pu Sitaram Kesri thlakin AICC President a ni a, kum 10 vel kal ta khan President thlanna hi Pu  Jitendra Prasada-a’n a chuh ve na a, Pi Gandhi hian a hneh a ni. Party inthlan dan ruahmannaah chuan hming pek luhte hi naktukah endik a ni ang a, tun thla ni 10 thleng, inhnuh dawh theihna hun hawn a ni ang. Vote thlak a tul chuan ni 17 khian thlak a ni ang a, ni 21-ah vote tlate chu chhiar a ni ang. AICC ang bawk hian PCC President te pawh thlan thar tur a ni. Congress President thlannaah hian vote awm thei zawng zawng chu 7,946 a ni. Read the rest of this entry »

Posted in Ramchhung News | No Comments »

TUALCHHUNG CHANCHIN THAR

September 2nd, 2010

MIFCO Chairman, Pu C.Lalruata chuan MIFCO hnathawkte chu an la lungawi theih loh avangin pisa an la kai lo tih a sawi. Kan Corr. zawhna chhangin Pu C.Lalruata chuan MIFCO Managing Director, Pu Lalzarliana Renthlei-in MIFCO Employees Association hruaitute bia-in an harsatna, sorkar-in a buaipui dan a hrilh tih a sawi a, mahse MIFCO hnathawk mhruaitute chuan an dinna ngaiah an la ding reng a, Chief Minister leh Industry Minister-ten buaipui mah se, a rah lawmawm engmah an la hmu loh avangin hnathawkte hi an la lungawi lo tih a sawi a ni. MIFCO Employees Association President, Pu Ngurthansanga pawhin sorkar thil tih chu thu chauh a la nih avangin an la lungawi thei lo tih a sawi a, Industry Secretary-in Chief Minister leh Industry Minister-te hma lakna chu chak takin bawhzui mah se, a tak hmuh tur a la awm lova, hei vang hian pisa an la kai lo chhunzawm zel rih dawn tih a sawi bawk. Puan tawh angin, MIFCO hnathawkte hian thla 7 chhung, hlawh an lak theih loh avangin nimin atang khan pisa an kai lova, nimin khan an Chairman, Pu C.Lalruata leh Managing Director, Pu Lalzarliana Renthlei chauhin pisa an kai a, vawiin pawh khan Managing Director chuan pisa a kai a, Chairman, Pu C.Lalruata chu Party Committee pawimawha a tel avangin pisa a kai thei lo a ni. Read the rest of this entry »

Posted in Tualchhung News | 2 Comments »

ENGLISH NEWS

September 2nd, 2010

The two day workshop on ‘Sustainable Agriculture Revolution in Mizoram’ was concluded in Art & Culture Auditorium, Berawtlang today. In this workshop, the Additional Chief Engineer of Minor Irrigation Department, Mr. Lalthanliana highlighted with the help of visuals development of infrastructure available for water supply to the cultivation fields to bring about sustainable agriculture revolution in Mizoram. The Joint Director of Horticulture Department, Mr. R. Zotawna also made a power point presentation of ‘Major Crops of Horticulture’ while the Director of Soil & Water Conservation, Dr. Jerome Rokima explained the prospect of rubber and coffee plantation and cultivation of broom stick in a commercial scale. The workshop was telecast live by Doordarshan Kendra Aizawl. About 220 farmers from various parts of the state attended in the workshop which was jointly organized by AMFU, Agriculture, Horticulture, AH&Vety, Fisheries, Minor Irrigation and Soil and Water Conservation Departments. Read the rest of this entry »

Posted in ZONET Today | No Comments »

RAM PAWN CHANCHIN THAR

September 2nd, 2010

Israel leh Palestinian-te inkara remna zawngin vawiin khan Israel Prime Minister, Benjamin Netanyahu leh Palestinian Authority President, Mahmoud Abbas-a’n Washington khawpuiah inbiakna an tan. US President, Barack Obama-a rawtna angin, vawiin khan Washington-ah, hruaitu pahnihte hi an inkawm tan a, hemi hma, nimin tlai khan  President Obama hian hruaitu pahnihte hi kawmin,  hetianga remna kawng zawnna a hun tha an neih hi bawh pelh lo hram turin a ngen a, tun maiah inremna hi siam theih ni mai lo mah se, boruak tha tak hnuaia an inbiak chhunzawm zel theih a beisei thu leh, he inbiakna hian kum khat lai a awh a nih pawhin, a tawpah chuan kum 1967 atanga Israel-in Palestinian-te chenna hmun, West Bank-a awm hmun an khuarna chu chhuahsan tawh se, ram thar, mipui rorelna ram, Palestine ram lo ding se, Israel nen inngeih takin awm dun se a duh thu a hrilh a ni. Obama chuan, remna zawnga inbiate hi America sorkarin remna leh muanna siam turin barh lui thei hauh lo mah se, an lakah muanna aia duh a nei lo tih hruaitu pahnihte chu a hrilh bawk. Nimina chawhlui an kil honaah Israel PM, Benjamin Netanyahu chuan, Palestinian hruaitu, Abbas chu remna a awm theih nana a thurualpui theih mi niin a sawi a, tun hnaia Israel mi 4, Palestinian hel, Hamas-ten an thahin remna zawnga an inbiakna a tibuai dawn lo tih sawiin, Israel leh Palestinian-te inkara remna a awm theih nan theihtawp a chhuah zui zel dawn tih a sawi bawk. Hemi hnu hian Palestinian Authority President, Mahmoud Abbas chuan nimin-a Israel mi 4 thattu, Palestinian hel, Hamas-te chu a dem takzet tih a sawi a, Israel nena remna an neih theih nan theihtawp a chhuah dawn tih sawiin, kum 1967 atanga Israel-in Palestinian-te chenna hmun, West Bank-a awm hmun an khuarna chu chhuahsan tawh se a duh thu sawi langin, hei hi Israel nena an inrem theih lohna lian ber niin a sawi bawk. Hruaitu pahnihte inbiaknaah hian President Obama-a sawm angin, Jordan lal, King Abdullah II leh Egypt President, Hosni Mubarak pawh an tel a, nimin tlaia chawhlui an kil ho-naah Jordan lal chuan, Israel leh Palestinian-te kara inremna a awm theihna tura President Obama a hnathawh chu an thlawp zel dawn tih a sawi a, tun tuma inbiakna hi a tlawlh leh hlauh chuan inremna kawng zawn chu a harsat viau an rin tawh thu a sawi bawk. Vawiina hruaitu pahnih inbiakna hi US Secretary of State, Hillary Clinton-i’n a ho a, kum 2008-a remna zawnga an inbiak hnu khan, Israel PM leh Palestinian Authority President hi hmaichhanah an la inkawm leh lo a ni. Read the rest of this entry »

Posted in Ram pawn News | No Comments »

« Previous Entries