www.zonet.in

TUALCHHUNG CHANCHIN THAR

August 17th, 2010

Tanhril VC member, Pu Lalpiangliana thihna avanga Police 7 mante’n anticipatory bail an dil kaihhnawiha Court-in an hriselna dinhmun endik nawn tura a tihte chu vawiin khan Civil Hospital Medical Board-in an endik nawn leh. Thu dawn danin heng Police 7-te hi Civil Hospital Medical Superintendent room-ah Medical Board-te’n an hriselna an endik nawn leh a, hetah hian Police 7-te hi an kim a, a mal te te-in Medical Board chuan an hriselna an endik a, mahse ni hnih thum vel chhunga an endik leh hnu-ah chauh an thil hmuh dan chu Court-ah an thawn dawn a ni. Puan tawh angin Tanhril VC member, Pu Lalpiangliana thihna kaihhnawiha man, Police 7-te hian Chief Judicial Magistrate Court-ah an hrisel lohna chhuanlamin anticipatory bail an dil a, mahse Judge, Pi R.Vanlalchami chuan Police 7-te medical certificate chu Doctor a nih ve loh avangin a hrethiam ve lova, chuvang chuan an dilna hi thla khat chhunga Civil Hospital Medical Board endik nawn turin a ti a, hetih chhung hian heng Police 7-te hi interim bail-in a chhuah ta rih a ni.

Read the rest of this entry »

Posted in Tualchhung News | No Comments »

RAMCHHUNG CHANCHIN THAR

August 17th, 2010

Jammu and Kashmir-a Leh khua leh a chhehvela ruah bawhawk sur vanga leimin leh tui lian tuarte chhawmdawlnan, sorkar laipuiin cheng vbc 125 a pe dawn tih PM-in a puang. He thu hi Leh khuaa harsatna tawkte a tlawhnaah, PM Dr Manmohan Singh chuan sawiin, he sum hi Prime Minister’s National Relief Fund atanga pek chhuah tur a ni a ti a, leimin leh tui lian avanga chenna in chhia zawng zawng chu, thla 2 leh a chanve chhungin sak that vek a ni ang tih a sawi bawk. PM chuan, vanduaina tawkte chhawmdawlna tur sum pekchhuah lamah harsatna engmah a awm loh thu leh chenna in mai bakah, zirna-in, damdawi in, kawlphetha pekna-te leh lamlian pawh a pangngai a hman theih turin thla hnih leh a chanve chhungin siamthat vek a nih tur thu a sawi bawk. PM chuan, he vanduaina thlenga chhawmdawl hna thawh zui zel dan chu, Chief Secretary kaihhruaina hnuaiah endik zel a ni dawn tih a sawi a, amah pawhin kumin thlasik thlen hma ngeiin Leh khua leh a chhehvela vanduaina tawkte chhawmdawlna hnathawh dan chu a hmunah a enfiah leh dawn niin a sawi. PM Manmohan Singh hi Union Health Minister Ghulam Nabi Azad, New and Renewable Energy Minister, Farooq Abdullah leh Jammu and Kashmir Pradesh Congress Committee hotu Saifuddin Soz-ten an tawiawm a, vanduaina thlenna hmun a tlawh hnu hian J&K Chief Minister Omar Abdullah leh mi pawimawh dangte nen harsatna tawkte chhawmdawl hna thawh zui zel dan tur an sawi ho bawk.

Read the rest of this entry »

Posted in Ramchhung News | No Comments »

RAM PAWN CHANCHIN THAR

August 17th, 2010

Iraq khawpui, Baghdad-a sipai lakna hmunpuia thihchilh bomb puakah mi 51 an thi a midang 100 chuang an hliam bawk. Mi firfiakte pawikhawihna hmun hi, Baghdad khawpui laili-a an ram hruaitu hlui, Saddam Hussein-a chenna thin, kum 2003 atanga an ram Defence Ministry-in sipai hmunpui leh an ram sipai tur lakna hmuna an hman takah a ni a, bomb tipuaktu hian sipai a tan tum intlarte zingah a bomb pai hi a ti puak a ni. Bomb puahna hmunah hian kar tin sipaia tang thar tur mi 250 vel lak thin an ni. Iraq-ah hian mihring cheng zinga zaa 60-in hna an neih loh avangin sipaia tan tum hi tam tak an intlar thin a, tun tuma pawikhawihtu hian, sipaia tan tum-te intlar tam lai hi chuhin he bomb hi a tipuak ta a ni. Helai hmunah hian kar kalta pawh khan mi firfiak-te bomb tihpuahah sipai 3 an lo hliam tawh a, tun tuma thi zingah pawh hian sipaite pawh an tel ve ni a hriat a ni. America sorkarin Iraq rama an sipai awmte lakchhuah a tum thu a puan hnuah he ramah hian pawikhawihna a hluar zual a, hei vang hian US sorkar ruahmanna siam anga an ram sipaite lakchhuah hun tura ruahman fel tawh pawh sawn hla leh mai turin Iraq sipai hotuten US thuneitute an ngen mek a ni.

Read the rest of this entry »

Posted in Ram pawn News | No Comments »

ENGLISH NEWS

August 17th, 2010

Aizawl-Sialsuk World Bank road is blocked by a massive rock collapse near Ngaizel Petrol Pump this afternoon. Luckily, there was no casualty nor damaged to house and properties. According to Police sources, pieces of the rock fell on the road as warning and this was followed by the collapse of a massive rock which completely block the road. Vehicles plying on this road are diverted towards the roads which pass through Tlangnuam. The State PWD is expected to start clearance work tomorrow.

Read the rest of this entry »

Posted in ZONET Today | No Comments »