PHE Deptt. chuan tui man rate thar hmangin December thla atang khan tui bill a khawn tan a, he tui bill hi tun thla hian veng hrang hranga tui connection latute hnenah sem chhuah a ni. Veng thenkhata tui bill dawngtute chuan an tui bill chu a hma-a tui bill atanga chhutin za zela 60 vela sang niin an sawi a, PHE Deptt. thil tih dan chu ngaihthiam har an tih thu an sawi a ni. Kan Corr. zawhna chhangin PHE Deptt. hotute chuan, tui connection neitute hnena tui pek man tihsanna tur sorkar hriattirna chu nikum September thla khan sorkar gazette-ah chhuah a ni tawh tih an sawi a, hemi hnu hian December thla-a Assembly Budget Session-ah khan he dan hnuaia dan tesep pawh pharh leh a ni a, hemi hnu hian December thla atang khan tui bill hi rate sang zawka khawn tan a ni ta niin an sawi a ni. Puan tawh angin tui man tihsan dan hi thla khata tui litre 5,000 dawng chin hnen atangin Rs.100/-, litre 5,000 leh 10,000 inkarah litre 1,000 lak belh zelah Rs.30/-, litre 10,000 leh 20,000 inkarah litre 1,000 zelah Rs.50/-, litre 2,000 leh 3,000 inkarah litre 1,000 zelah Rs.60/- leh litre 30,000 chin chung lamah litre 1,000 lak belh zelah Rs.70/- a ni.
———-
TUALCHHUNG CHANCHIN THAR
RAM CHHUNG CHANCHIN THAR
Kerala Governor, M.O.H. Farook chu kal tha lo avangin nizan khan Chennai-a Apollo Hospital-ah a thi. Kum 74 mi, M.O.H. Farook-a hi thla hlui atang khan kal tha lo leh natna dang avangin damdawi inah enkawl a ni a, a fapa, Puducherry minister, MOHF Shahjahan chuan a pa thih thu hi nizan khan a puang a, fapa 1 leh fanu 2 a kalsan a ni. Pu M.O.H. Farook-a hi Congress hruaitu hlun a ni a, nikum September thla-a Kerala Governor atana lak luh a nih hma khan Jharkhand Governor hna kum khat a chelh a, hemi hma hian Puducherry CM hna, term 3 a lo chelh tawh bakah, Parliament member atan pawh a zawnin tum thum thlan tlin a ni a, PM, PV Narasimha Rao-a kaihhruai sawrkar-ah khan Civil Aviation leh Tourism Minister a nih bakah Saudi Arabia-ah India palai a ni tawh bawk a ni. Congress President, Sonia Gandhi chuan MOH Farook hi sakhaw zalenna chungchanga ngaihdan zau tak nei mi, an party thatna tur pawha theihtawp chhuah thin a nih thu a sawi a, ram hruaitu leh state hrang hrang hruaitu langsarte pawhin an ui thu leh sunna thu an sawi hlawm a ni. Pu Farook-a hi Karaikal khuaah a piang a, kum 27 mi a nihin Puducherry Assembly Speaker a ni tawh a, Kum 1960 chho atanga Puducherry Assembly inthlan a chuh apiangin a tling ziah a ni.
————-
RAM PAWN CHANCHIN THAR
Iraq khawpui, Baghdad-a bomb puakah mi 28 an thi a, mi dang tam tak an hliam. Interior ministry sawi danin, he bomb puak hi, Baghdad-a nimin tuka tihhlum, Shia Muslim mi, Mohammed al-Maliki te nupa leh an fapa 1 vuina-a kal khawmte zingah tihpuah a ni a, he hmun hi sipaiten tlawh pawh theih loha an siam nghal bakah helicopter hmangin sipaite pawh khawpui chhungah tirh nghal an ni. Baghdad khawpuiah hian nimin khan pawi khawihna a thleng nasa hle a, Maliki leh a chhungte thihna-ah hian mi dang 3 pawh an thih bakah Sunni Muslim ho chenna, Hamia biala bomb puak-ah pawh mi 10 an thi a, khawpui chhung chhimthlang lama Sunni muslim ho chenna Sadiyah district-ah pawh mi 3 an thi bawk a ni. He bialah tho hian tu tih hriat lohten Police hotu pakhat an kap hlum bawk a, Yarmouk bial-ah pawh tu tih hriat lohten ram hralha sumdawng 1 leh amah dawrtu mi 2 an kap hlum a, Kirkuk biala bomb puakah mi 3 an thi bawk. Puan tawh angin Iraq ramah hian US sipaite an chhuah hnu-ah pawi khawihna a hluar thar hle a, Sunni leh Shia muslim inkar boruak chhe thar lehah kumin chhung hian sakhaw pawl pahnih inbeihna-a thi hi mi 190 an tling tawh a ni.
————–
ZONET TODAY
The Governor, Mr. Vakkom Purushothaman said, peaceful condition can prevail only when there is will to have peace in the minds of the people. Addressing a function held in the New Secretariat Complex in connection with celebration of 25 years of peace cum Exhibition today, the Governor described the peace accord signed between the Govt. and the MNF as historic accord which should be reminded to the new generations. He also expressed gratitude for the role played by the Church for peace talks between the MNF and the Govt. Addressing the function, the Chief Minister, Mr. Lal Thanhawla said, the price paid for peace is high and everyone has to ensure vigil against attempt to disrupt peaceful condition. He also said, the Govt. will not hesitate to pay a high price for maintenance of peace and harmony in the State. The Chief Secy.Mr. Vanhela Pachuau who presided over the meeting announced that the Exhibition cum sale will be extended till tomorrow to enable the people to visit the exhibition.
———
Loading ...